6500mAh બેટરી અને 90W ફાસ્ટ ચાર્જિંગ સાથે આવ્યો Infinix Note 60 Pro Pininfarina Edition

Infinix એ તાજેતરમાં ભારતીય બજારમાં Infinix Note 60 Pro Pininfarina Edition લોન્ચ કર્યો હતો . હવે આ સ્માર્ટફોનનું વેચાણ શરૂ થઈ ગયું છે . આ ફોન આકર્ષક ડિઝાઇન , શક્તિશાળી પ્રોસેસર , મોટી બેટરી અને ઝડપી ચાર્જિંગ જેવા ફીચર્સ સાથે આવે છે . સારી ડિસ્પ્લે અને કેમેરા હોવાથી તે  દૈનિક ઉપયોગ ઉપરાંત ગેમિંગ અને મલ્ટીમીડિયા માટે પણ સારો વિકલ્પ બની શકે છે .

Infinix Note 60 Pro Pininfarina Edition  ભારતમાં કિંમત અને ઓફર્સ :

ભારતમાં Infinix Note 60 Pro Pininfarina Edition ના 8GB RAM અને 256GB સ્ટોરેજ વેરિઅન્ટની કિંમત રૂપિયા 37,999 રાખવામાં આવી છે . ગ્રાહકો આ સ્માર્ટફોન કંપનીની સત્તાવાર વેબસાઈટ અને ફ્લિપકાર્ટ પરથી ખરીદી શકે છે . બેંક ઓફર્સ હેઠળ રૂપિયા 2000 સુધીનું ડિસ્કાઉન્ટ મળી શકે છે . આ ઉપરાંત જૂનો ફોન એક્સચેન્જ કરવાથી વધારાના રૂપિયા 2,000 સુધીનો લાભ પણ મળી શકે છે .

Infinix Note 60 Pro Pininfarina Edition  ડિસ્પ્લે  અને ફીચર્સ :

આ ફોનમાં 6.78 ઇંચની 1.5K AMOLED ડિસ્પ્લે આપવામાં આવી છે , જે 144Hz રિફ્રેશ રેટ સાથે આવે છે . ડિસ્પ્લેની પીક બ્રાઇટનેસ 4500 નિટ્સ છે , જેથી તેજ તડકામાં પણ સ્ક્રીન સરળતાથી જોઈ શકાય છે . સ્ક્રીનની સુરક્ષા માટે Corning Gorilla Glass 7i આપવામાં આવ્યું છે .

પરફોર્મન્સ માટે આ ફોનમાં Qualcomm Snapdragon 7s Gen 4 પ્રોસેસર છે . તેમાં 8GB LPDDR5X  RAM અને 256GB સ્ટોરેજ આપવામાં આવ્યું છે . ફોન Android 16 પર આધારિત XOS 16 પર ચાલે છે , જે સ્મૂથ અનુભવ આપે છે .

પાવર માટે ફોનમાં 6500mAhની મોટી બેટરી આપવામાં આવી છે . તે 90W ફાસ્ટ ચાર્જિંગ અને 30W વાયરલેસ ચાર્જિંગને સપોર્ટ કરે છે , જેથી ફોન ઝડપથી ચાર્જ થઇ શકે છે .

ફોટોગ્રાફી માટે પાછળની બાજુએ 50 મેગાપિક્સલનો મુખ્ય કેમેરા અને 8 મેગાપિક્સલનો અલ્ટ્રા વાઈડ કેમેરા આપવામાં આવ્યો છે ,જયારે સેલ્ફી માટે 13 મેગાપિક્સલનો ફ્રન્ટ કેમેરા છે .

સુરક્ષા માટે ફોનમાં ઈન - ડિસ્પ્લે ફિંગરપ્રિન્ટ સેન્સર આપવામાં આવ્યું છે . આ ઉપરાંત , IP64 રેટિંગ હોવાથી તે ધૂળ અને પાણીના હળવા છાંટાથી પણ સુરક્ષિત રહે છે  કનેક્ટિવિટીમાં 5G , Wi - Fi , Bluetooth 5.4, NFC , GPS અને USB Type - C પોર્ટ જેવા આધુનિક ફીચર્સ પણ આપવામાં આવ્યા છે .