iQOO 16ના સ્પેક્સ લીક , પેરિસ્કોપ કેમેરા અને બેટરી સાથે આવી શકે છે સ્માર્ટફોન

ચાઈનીઝ સ્માર્ટફોન કંપની iQOO પોતાના નવા ફ્લેગશિપ સ્માર્ટફોન iQOO 16ને ટૂંક સમયમાં લોન્ચ કરી શકે છે . લોન્ચ  પહેલા જ તેના કેટલાક મહત્વના સ્પેસિફિકેશન્સ ઓનલાઇન લીક થયા છે .લીક અનુસાર , કંપની આ વખતે વધુ મોટી બેટરી, નવા ફ્લેગશિપ પ્રોસેસર અને ગેમિંગ માટે ખાસ ઓપ્ટિમાઇઝેશન સાથે ડિવાઈસ રજૂ કરી શકે છે .

ટિપ્સ્ટર Digital Chat Station એ ચીનના માઇક્રોબ્લોગિંગ પ્લેટફોર્મ Weibo પર માહિતી આપતા જણાવ્યું છે કે iQOO 16ના એક એન્જિનિયરિંગ  પ્રોટોટાઇપનું ટેસ્ટિંગ Qualcommના આગામી Snapdragon 8 Elite Gen 6 Pro ચિપસેટ સાથે કરવામાં આવી રહ્યું છે . ગ્રાફિક્સ માટે તેમાં Adreno 850 GPU આપવામાં આવી શકે છે . ઉપરાંત , સ્માર્ટફોનમાં સિમેટ્રિકલ ડયુઅલ સ્ટીરિયો સ્પીકર્સ અને વધુ સારી હેપ્ટિક ફીડબેક માટે X - એક્સિસ લિનિયર મોટર પણ મળવાની શક્યતા છે .

લીક મુજબ , iQOO 16માં 8,500mAhની મોટી બેટરી આપવામાં આવી શકે છે , જે હાલના ફ્લેગશિપ સ્માર્ટફોનની સરખામણીએ વધુ ક્ષમતા ધરાવશે . સુરક્ષા માટે તેમાં 3D અલ્ટ્રાસોનિક ફિંગરપ્રિન્ટ સેન્સર મળી શકે છે . ફોટોગ્રાફી માટે કંપની પેરિસ્કોપ ટેલિફોટો કેમેરો પણ આપી શકે છે . તાજેતરમાં આ સ્માર્ટફોન 12601 મોડલ નંબર સાથે IMEI ડેટાબેસમાં પણ જોવા મળ્યો હતો .

કેટલાક પહેલાના અહેવાલોમાં દાવો કરવામાં આવ્યો હતો કે મેમરી ચિપ્સના વધતા ભાવને કારણે iQOO 16ને ભારતીય બજારમાં લોન્ચ કરવાની શક્યતા ઓછી છે . જોકે , કંપનીએ હજુ સુધી આ અંગે કોઈ સત્તાવાર જાહેરાત કરી નથી .

પરફોર્મન્સ અને ગેમિંગને વધુ અસરકારક બનાવવા માટે iQOO 16માં નવી ડિઝાઈનવાળી થર્મલ મેનેજમેન્ટ સિસ્ટમ આપવામાં આવી શકે છે , જે લાંબા સમય સુધી ગેમિંગ દરમિયાન ડિવાઈસનું તાપમાન નિયંત્રિત રાખવામાં મદદ કરશે .

ગયા વર્ષે લોન્ચ થયેલા iQOO 15 માં 6.85 ઈંચનું Samsung M14 8T LTPO AMOLED 2K ડિસ્પ્લે , 144Hz રિફ્રેશ રેટ અને 6,000 nits પીક બ્રાઇટનેસ આપવામાં આવી હતી . તેમાં Snapdragon 8 Elite Gen 5 પ્રોસેસર , 50MP ટ્રિપલ રિયર કેમેરા સેટઅપ , 32MP ફ્રન્ટ કેમેરા , AI ફીચર્સ તેમજ 7,000mAh બેટરી સાથે 100W વાયર્ડ અને 40W વાયરલેસ  ફાસ્ટ ચાર્જિંગનો સપોર્ટ આપવામાં આવ્યો છે .