Moto G77 Powerની ભારતમાં એન્ટ્રી , Dimensity 6400 ચિપસેટ અને 120Hz ડિસ્પ્લે મળશે

મોટોરોલાએ ભારતીય બજારમાં પોતાનો નવો સ્માર્ટફોન Moto G77 Power  રજૂ કર્યો છે . લાંબા સમય સુધી બેટરી બેકઅપ ઇચ્છતા યુઝર્સને ધ્યાનમાં રાખીને તૈયાર કરાયેલા આ ફોનમાં 7,000mAhની મોટી બેટરી આપવામાં આવી છે . તેની સાથે 30W TurboPower ફાસ્ટ ચાર્જિંગ સપોર્ટ પણ મળે છે ઉપરાંત , 50 મેગાપિક્સલનો Sony કેમેરા ,  MediaTek Dimensity 6400 ચિપસેટ અને 120Hz રિફ્રેશ રેટ ધરાવતી ડિસ્પ્લે જેવી સુવિધાઓ પણ આપવામાં આવી છે .

Moto G77 Power ની કિંમત અને ઉપલબ્ધતા :

Moto G77 Power ના 8GB RAM અને 128GB સ્ટોરેજ વેરિઅન્ટની કિંમત રૂપિયા 25,999 રાખવામાં આવી છે . જોકે , લોન્ચ ઓફર હેઠળ ગ્રાહકો તેને રૂપિયા 23,999ની અસરકારક કિંમતે ખરીદી શકશે . આ સ્માર્ટફોનનું વેચાણ 13 જુલાઈથી Motorolaની અધિકૃત વેબસાઈટ , Flipkart અને દેશભરના પસંદગીના રિટેલ સ્ટોર્સ પર શરૂ થશે . આ ફોન Pantone Nautical Blue, Pantone Fuchsia Red અને Pantone Impenetrable કલરમાં ઉપલબ્ધ રહેશે .

Moto G77 Power ડિસ્પ્લે અને પરફોર્મન્સ :

Moto G77 Powerમાં 6.72 ઇંચની Full HD + ડિસ્પ્લે આપવામાં આવી છે , જે 120Hz રિફ્રેશ રેટ અને 1,050 nits સુધીની પીક બ્રાઇટનેસ સપોર્ટ કરે છે . ડિસ્પ્લેને Corning Gorilla Glass  7iનું પ્રોટેક્શન આપવામાં આવ્યું છે . તેમાં Color Boost ટેક્નોલોજી તેમજ ભીના હાથથી પણ સરળતાથી ઉપયોગ કરી શકાય તે માટે Water Touch ફીચર સામેલ છે . ઓડિયો અનુભવને વધુ સારો બનાવવા માટે Dolby Atmos અને Hi-Res Audio સપોર્ટવાળા સ્ટીરિયો સ્પીકર્સ આપવામાં આવ્યા છે .

પરફોર્મન્સ માટે ફોનમાં MediaTek Dimensity 6400 પ્રોસેસર આપવામાં આવ્યું છે . તેમાં 8GB LPDDR4X RAM અને 128GB સ્ટોરેજ મળે છે . માઈક્રો  SD કાર્ડની મદદથી સ્ટોરેજને 1TB સુધી વધારી શકાય છે . આ ઉપરાંત RAM Boost ફીચર દ્રારા વર્ચ્યુઅલ રીતે RAMને 24GB સુધી વિસ્તારી શકાય છે .

Moto G77 Power કેમેરા અને બેટરી :

ફોટોગ્રાફી માટે ફોનના પાછળના ભાગમાં Quad Pixel ટેક્નોલોજી સાથે 50 મેગાપિક્સલનો Sony LYTIA 600 પ્રાઈમરી કેમેરા અને 8 મેગાપિક્સલનો અલ્ટ્રાવાઇડ કેમેરો આપવામાં આવ્યો છે . સેલ્ફી અને વિડીયો કોલિંગ માટે 32 મેગાપિક્સલનો ફ્રન્ટ કેમેરો ઉપલબ્ધ છે .

Moto G77 Powerમાં 7,000mAhની મોટી બેટરી આપવામાં આવી છે , જે 30W Turbo Power ફાસ્ટ ચાર્જિંગ ઉપરાંત 6W વાયર્ડ રિવર્સ ચાર્જિંગને પણ સપોર્ટ કરે છે .

ધૂળ અને પાણીથી સુરક્ષા માટે તેમાં IP64 રેટિંગ આપવામાં આવી છે . ફોન Android 16 પર ચાલે છે . કંપની એક Android OS અપગ્રેડ અને ત્રણ વર્ષ સુધી સિક્યોરિટી અપડેટ્સ આપવાની ખાતરી આપી છે .