Samsung Galaxy A27 5Gની સેલ શરૂ , 6 વર્ષ સુધી મળશે OS અપડેટ અને 5,000mAh બેટરી

Samsung એ તાજેતરમાં લોન્ચ કરાયેલા Galaxy A27 5G સ્માર્ટફોનનું ભારતમાં વેચાણ શરૂ કરી દીધું છે . કંપનીએ આ ફોનને ત્રણ સ્ટોરેજ વેરિઅન્ટ અને ત્રણ કલર વિકલ્પોમાં રજૂ કર્યો છે . લોન્ચ ઓફર્સ હેઠળ ગ્રાહકોને પસંદગીના બેંક કાર્ડ પર કેશબેક તેમજ ઝીરો ડાઉન પેમેન્ટ જેવી સુવિધાનો લાભ મળશે . આ સ્માર્ટફોન 4nm Snapdragon 6 Gen 3 પ્રોસેસરથી સંચાલિત છે અને તેમાં 5,000mAhની મોટી બેટરી આપવામાં આવી છે . આ ઉપરાંત , Samsung એ આ ડિવાઈસ માટે 6 વર્ષ સુધી OS અપગ્રેડ અને 6 વર્ષ સુધી સિક્યોરિટી અપડેટ્સ આપવાની ખાતરી કરી છે .

Samsung Galaxy A27 5G : કિંમત અને ઓફર્સ 

Samsung Galaxy A27 5Gની શરૂઆતની કિંમત રૂપિયા 28,999 રાખવામાં આવી છે . આ સ્માર્ટફોન 6GB + 128GB , 8GB + 128GB અને 8GB + 256GB સ્ટોરેજ વિકલ્પોમાં ઉપલબ્ધ છે . પસંદગીના બેંક કાર્ડથી ખરીદી પર ગ્રાહકોને રૂપિયા 3000 સુધીનો કેશબેક મળશે . આ ઉપરાંત , કંપની ઝીરો ડાઉન પેમેન્ટનો વિકલ્પ પણ આપી રહી છે .

આ ફોન Samsung ના ઓફિશિયલ સ્ટોર્સ , Samsung.com , પાર્ટનર રિટેલ આઉટલેટ્સ તેમજ અન્ય ઓનલાઈન પ્લેટફોર્મ્સ પર ખરીદી માટે ઉપલબ્ધ છે . તેને Light Green , Light Pink અને Black કલર વિકલ્પોમાં ખરીદી શકાય છે .

Samsung Galaxy A27 5G : ડિસ્પ્લે અને પરફોર્મન્સ 

Galaxy A27 5G માં 6.7 ઇંચની Full HD + Super AMOLED ડિસ્પ્લે આપવામાં આવી છે . ડિસ્પ્લે 120Hz રિફ્રેશ રેટ , 800 nits પીક બ્રાઈટનેસ અને Corning Gorilla Glass Victus+ પ્રોટેક્શન સાથે આવે છે .

પરફોર્મન્સ માટે તેમાં 4nm Snapdragon 6 Gen 3 પ્રોસેસર આપવામાં આવ્યું છે . ફોનમાં 8GB સુધી LPDDR5X RAM અને 256GB સુધી UFS 3.1 સ્ટોરેજ ઉપલબ્ધ છે . આ સ્માર્ટફોન Android 16 આધારિત One UI 8.5 પર ચાલે છે . કંપનીએ 6 વર્ષ સુધી OS અપગ્રેડ અને 6 વર્ષ સુધી સિક્યોરિટી અપડેટ્સ આપવાની ખાતરી આપી છે .

Samsung Galaxy A27 5G : કેમેરા અને બેટરી 

ફોટોગ્રાફી માટે Galaxy A27 5G માં ટ્રિપલ રિયર કેમેરા સેટઅપ આપવામાં આવ્યો છે . તેમાં 50MPનો OIS સપોર્ટવાળો પ્રાઈમરી કેમેરા , 5MPનો અલ્ટ્રાવાઈડ લેન્સ અને 2MPનો મેક્રો સેન્સર સામેલ છે . સેલ્ફી અને વિડીયો કોલિંગ માટે ફોનમાં 12MPનો ફ્રન્ટ કેમેરા આપવામાં આવ્યો છે .

Samsung Galaxy A27 5G માં 5,000mAhની બેટરી આપવામાં આવી છે , જે 25W ફાસ્ટ ચાર્જિંગને સપોર્ટ કરે છે . આ ફોનમાં IP64 રેટિંગ અને સાઈડ-માઉન્ટેડ ફિંગરપ્રિન્ટ સેન્સર પણ આપવામાં આવ્યું છે .