8,000mAh બેટરી અને Dimensity 6300 ચિપસેટ સાથે આવી રહ્યો છે Realme Narzo 100x 5G

ચાઈનીઝ સ્માર્ટફોન કંપની Realme આવતી 15 જુલાઈએ ભારતમાં પોતાનો નવો  Realme Narzo 100x 5G લોન્ચ કરવા જઈ રહી છે . કંપનીએ તેની સત્તાવાર પુષ્ટિ કરી છે અને Amazon પર ફોન માટે માઈક્રોસાઇટ પણ લાઈવ થઈ ગઈ છે . આ સ્માર્ટફોનમાં મોટી 8,000mAh બેટરી , MediaTek Dimensity 6300 5G પ્રોસેસર અને AI આધારિત અનેક ફીચર્સ મળશે . કંપની તેને Flash Orange અને Midnight Black એમ બે કલરમાં રજૂ કરશે .

 Realme Narzo 100x 5Gમાં MediaTek Dimensity 6300 5G ચિપસેટ આપવામાં આવશે . તેમાં 14GB સુધીની ડાયનામિક RAM અને 256GB સુધીનું સ્ટોરેજ મળશે . AI આધારિત AI Pulse Light ફીચર પણ આપવામાં આવ્યું છે , જેમાં 9 કલર ઇફેક્ટ્સ અને 5 અલગ સ્પીડ સેટિંગ્સ મળશે . ફોનની જાડાઈ માત્ર 8.8mm હોવાથી મોટી બેટરી હોવા છતાં તે પાતળો રહેશે .

આ સ્માર્ટફોનનું સૌથી મોટું આકર્ષણ તેની 8,000mAh બેટરી છે , જે 45W ફાસ્ટ ચાર્જિંગને સપોર્ટ કરશે . કંપનીનો દાવો છે કે એક વખત પૂર્ણ ચાર્જ કર્યા બાદ ફોન ત્રણ દિવસ સુધી ઉપયોગમાં લઈ શકાય છે . આ ઉપરાંત , તે સતત 26 કલાક સુધી YouTube પ્લેબેકનો અનુભવ આપી શકે છે . ફોનમાં 144Hz રિફ્રેશ રેટ અને 1,200 nits પીક બ્રાઈટનેસ ધરાવતું ડિસ્પ્લે મળશે , જોકે તેનું કદ હજુ જાહેર કરવામાં આવ્યું નથી . આ સ્માર્ટફોન Android 16 આધારિત Realme UI 7.0 પર કામ કરશે .

ફોટોગ્રાફી માટે તેમાં 50MP ડયુઅલ રિયર કેમેરા આપવામાં આવશે . હેવી ગેમિંગ અને લાંબા સમયના ઉપયોગ દરમિયાન ફોનનું તાપમાન નિયંત્રિત રાખવા માટે 5,300 સ્કવેર મિલીમીટર વેપર ચેમ્બર કૂલિંગ સિસ્ટમ આપવામાં આવી છે .

તાજેતરમાં કંપનીએ Realme Narzo 100 Lite 5G પણ ભારતમાં લોન્ચ કર્યો હતો . તે 4GB + 64GB , 4GB + 128GB અને 6GB + 128GB સ્ટોરેજ વેરિઅન્ટમાં ઉપલબ્ધ છે . તેમાં 6.9 ઈંચનું LCD ડિસ્પ્લે , 144Hz રિફ્રેશ રેટ , MediaTek Dimensity 6300 પ્રોસેસર અને 7,000mAh બેટરી  આપવામાં આવી છે , જે 15W વાયર્ડ ચેમ્બર કૂલિંગ સિસ્ટમ આપવામાં આવી છે .