Googleનું Android 17 આવ્યું : Bubbles, Foldable Gaming અને Privacy Features સાથે

Google સત્તાવાર રીતે Android 17 લોન્ચ કર્યું છે , જેની શરૂઆત Pixel સ્માર્ટફોનથી થઈ રહી છે . આગામી અઠવાડિયા  અને મહિનાઓમાં અન્ય એન્ડ્રોઈડ ડિવાઈસિસને પણ આ અપડેટ મળશે . નવી ઓપરેટિંગ સિસ્ટમમાં પ્રોડક્ટિવિટી , મનોરંજન અને સુરક્ષાને વધુ મજબૂત બનાવવા માટે અનેક નવી સુવિધાઓ ઉમેરવામાં આવી છે . આ ઉપરાંત , વર્ષના અંત સુધીમાં પસંદગીના પ્રીમિયમ ડિવાઇસિસને Gemini Intelligence સપોર્ટ પણ મળશે . Android 17 નો સોર્સ કોડ હવે Android Open Source Project ( AOSP ) પર ઉપલબ્ધ છે .

બબલ્સ સાથે વધુ સરળ મલ્ટીટાસ્કિંગ 

Android 17 માં રજૂ કરાયેલા " બબલ્સ " ફીચર દ્રારા યુઝર્સ કોઈપણ એપને નાની ફ્લોટિંગ વિન્ડોમાં ખોલી શકે છે . એપના આઇકોન પર લાંબો સમય દબાવતા તે બબલમાં ફેરવાઈ જાય છે , જે અન્ય એપ્સની ઉપર તરતું રહે છે . મોટી સ્ક્રીનવાળા ડિવાઈસોમાં આ બબલ્સ માટે સ્ક્રીનના નીચે ખાસ બાર આપવામાં આવ્યો છે , જેથી એક જ ટેપમાં એપ્સ વચ્ચે સ્વિચ કરી શકાય અને જરૂર મુજબ તેને બદલી પણ શકાય છે . આ સુવિધા મુસાફરી , કામ અથવા મનોરંજન દરમિયાન વધુ સરળ મલ્ટીટાસ્કિંગનો અનુભવ આપે છે .

સ્ક્રીન રિએક્શન દ્રારા વિચારો શેર કરો 

સ્ક્રીન રેકોર્ડિંગ અને એનોટેશન ટૂલ્સને પણ નવા ટૂલબાર અને સુધારેલા ઇન્ટરફેસ સાથે અપડેટ કરવામાં આવ્યા છે . હવે યુઝર્સ સ્ક્રીન રિએક્શન ફિચરનો ઉપયોગ કરીને પોતાના વિચારો અથવા પ્રતિભાવ સરળતાથી શેર કરી શકે છે . સેલ્ફી કેમેરા દ્રારા પોતાનું વિડીયો રેકોર્ડ કરતાં કરતાં તેઓ એકસાથે ફોનની સ્ક્રીન પણ કૅપ્ચર કરી શકે છે . આથી વેબસાઈટ્સ , એપ્સ અથવા ટ્રેન્ડિંગ વિડિયોઝ પર પોતાની પ્રતિક્રિયા આપવી વધુ સરળ બની જાય છે .

ફોલ્ડેબલ ડિવાઈસ માટે નવો ગેમિંગ અનુભવ 

Android 17 માં ફોલ્ડેબલ સ્માર્ટફોન માટે ખાસ ગેમિંગ મોડ આપવામાં આવ્યો છે . આ મોડ ગેમિંગ દરમિયાન સ્ક્રીનનો વધુ અસરકારક ઉપયોગ કરે છે . આ ફોલ્ડેબલ ડિવાઇસમાં 50:50 લેઆઉટ ઉપલબ્ધ રહેશે , જેમાં ઉપરના ભાગમાં ગેમનું ઈમેજ અને નીચેના ભાગમાં ડાયનેમિક ગેમપેડ જોવા મળશે . આથી ગેમપ્લે વધુ આરામદાયક અને સારો બનશે . કંપનીના જણાવ્યા મુજબ આ સુવિધા આગામી મહિનાઓમાં યુઝર્સ માટે ઉપલબ્ધ થશે .

સુરક્ષા અને ગોપનીયતામાં વધુ નિયંત્રણ 

નવી ઓપરેટિંગ સિસ્ટમમાં સુરક્ષા અને પ્રાઇવસી સંબંધિત મહત્વપૂર્ણ સુધારાઓ પણ કરવામાં આવ્યા છે . યુઝર્સ હવે એપ્સને તેમના ચોક્કસ લોકેશનની માત્ર અસ્થાયી ઍક્સેસ આપી શકશે . આ ઉપરાંત , સંપૂર્ણ કોન્ટેક્ટ્સ જ શેર કરી શકશે . ' Find Hub ' ફીચરમાં ઉમેરાયેલા નવા ' Mark as Lost ' વિકલ્પ દ્રારા ખોવાયેલા ફોનને બાયોમેટ્રિક્સની મદદથી લોક કરી શકાય છે .