Vivo T5x 5Gને મળ્યો નવો Fusion Red કલર , 30 જુલાઈથી શરૂ થશે વેચાણ

Vivo એ ભારતમાં તેના સૌથી લોકપ્રિય સ્માર્ટફોન Vivo T5x 5G ને નવા ' Fusion Red ' કલરમાં લોન્ચ કર્યો છે . કંપનીએ ફોનને આ વર્ષે માર્ચમાં Star Silver અને Cyber Green કલરમાં રજૂ કર્યો હતો . હવે નવા Fusion Red  કલર વિકલ્પ સાથે તેને વધુ આકર્ષક લુક આપવામાં આવ્યો છે . નવા કલર સિવાય ફોનના તમામ ફીચર્સ પહેલાની જેમ જ રાખવામાં આવ્યા છે .  MediaTek Dimensity 7400 Turbo પ્રોસેસર , 50MP ડયુઅલ રિયર કેમેરા , 32MP સેલ્ફી કેમેરા અને 7,200mAhની મોટી બેટરી પણ આપવામાં આવી છે , જે 44W ફાસ્ટ ચાર્જિંગને સપોર્ટ કરે છે .

Vivo T5x 5G ની કિંમત :

Vivo T5x 5Gના 6GB RAM + 128GB સ્ટોરેજ વેરિઅન્ટની કિંમત રૂપિયા 18,999માં ઉપલબ્ધ છે , જયારે 8GB + 128GB સ્ટોરેજ વેરિઅન્ટની કિંમત રૂપિયા 20,999 અને 8GB + 256GB સ્ટોરેજ વેરિઅન્ટની કિંમત રૂપિયા 22,999 રાખવામાં આવી છે . Vivo T5x 5Gના  નવા ' Fusion Red ' કલરનું વેચાણ 30 જુલાઈથી  Vivoની સત્તાવાર ઈ - સ્ટોર , ફ્લિપકાર્ટ અને પસંદગીના રિટેલ સ્ટોર્સ પર શરૂ થશે .

Vivo T5x 5G ના ફીચર્સ :

આ સ્માર્ટફોનમાં 6.76 ઇંચની Full HD+ LCD ડિસ્પ્લે આપવામાં આવી છે , જે 120Hz nits પીક બ્રાઇટનેસ સપોર્ટ કરે છે . મોટી ડિસ્પ્લે હોવાના કારણે વિડીયો જોવાનું અને ગેમિંગનો અનુભવ વધુ સારો બને છે . ફોનમાં MediaTek Dimensity 7400 Turbo પ્રોસેસર આપવામાં આવ્યું છે , જે દૈનિક ઉપયોગ ઉપરાંત મલ્ટિટાસ્કિંગ અને ગેમિંગ માટે પણ સારો પરફોર્મન્સ આપે છે . આ સ્માર્ટફોન Android 16 આધારિત OriginOS 6 પર કામ કરે છે .

ફોટોગ્રાફી માટે ફોનમાં 50MPનો મુખ્ય કેમેરો અને 2MPનો ડેપ્થ કેમેરો આપવામાં આવ્યો છે . આ કેમેરા પોર્ટ્રેટ અને સામાન્ય ફોટોગ્રાફી માટે ઉપયોગી છે . સેલ્ફી અને વિડીયો કોલિંગ માટે તેમાં 32MPનો ફ્રન્ટ કેમેરો આપવામાં આવ્યો છે .

કનેક્ટિવિટી માટે ફોનમાં 5G , Wi-Fi , Bluetooth , GPS , BeiDou અને USB Type-C પોર્ટ જેવી સુવિધાઓ આપવામાં આવી છે . તેમાં 7,200mAhની મોટી બેટરી છે , જે 44W ફાસ્ટ ચાર્જિંગને સપોર્ટ કરે છે . કંપનીના જણાવ્યા મુજબ , એક વખત સંપૂર્ણ ચાર્જ કર્યા પછી ફોન 40 કલાક સુધી વિડીયો પ્લેબેક અને 93 કલાક સુધી મ્યુઝિક પ્લેબેક આપી શકે છે . ફોનનું વજન લગભગ 219 ગ્રામ છે અને સુરક્ષા માટે તેમાં સાઈડ - માઉન્ટેડ ફિંગરપ્રિન્ટ સેન્સર પણ આપવામાં આવ્યું છે .