Urtopiaની નવી Carbon Atom ઈ - બાઈક આવી , 90Nm ટોર્ક અને 8 સ્પીડ સિસ્ટમથી સજ્જ

Urtopia એ તેની નવી હાઈ - પરફોર્મન્સ ઇલેક્ટ્રિક બાઈક " કાર્બન એટમ " લોન્ચ કરી છે . હળવા વજન અને મજબૂત કાર્બન ફ્રેમ સાથે આવતી આ ઈ - બાઈક શક્તિશાળી મોટર , લાંબી રેન્જ અને આધુનિક ફીચર્સને કારણે પ્રીમિયમ સેગમેન્ટમાં જગ્યા મેળવે છે . કંપનીએ તેને ખાસ કરીને એવા રાઈડર્સ માટે તૈયાર કરી છે , જેઓ રોજિંદા ઉપયોગ ઉપરાંત એડવેન્ચર રાઇડિંગનો પણ આનંદ લેવા માંગે છે .

Urtopia કાર્બન એટમ ઈ બાઈકની કિંમત 2,499 ડોલર ( લગભગ 2.35 લાખ રૂપિયા ) રાખવામાં આવી છે . કંપની ગ્રાહકોને મફતમાં મડગાર્ડ અને કિકસ્ટેન્ડ પણ આપી રહી છે . હાલમાં આ ઈ - બાઈક અમેરિકન બજારમાં ઉપલબ્ધ છે અને તેને Moonlight , Copper અને Olive એમ ત્રણ કલર વિકલ્પોમાં રજૂ કરવામાં આવી છે . ગ્રાહકો તેને કંપનીની સત્તાવાર વેબસાઈટ પરથી ખરીદી શકે છે .

ફીચર્સની વાત કરીએ તો , કાર્બન એટમમાં " 750W હબ મોટર " આપવામાં આવી છે , જે સતત 750W પાવર ઉપરાંત 1,250W સુધીનું પીક આઉટપુટ જનરેટ કરે છે . આ મોટર 90Nm ટોર્ક આપે છે , જે બાઇકને ઝડપી એક્સેલરેશન અને જુદા જુદા રસ્તાઓ પર સરળ રાઇડિંગમાં મદદ કરે છે . પાવર માટે તેમાં 802Wh બેટરી પેક આપવામાં આવ્યો છે , જે લાંબી મુસાફરી માટે સક્ષમ માનવામાં આવે છે .

કંપનીના જણાવ્યા અનુસાર , આ ઈ - બાઈકનું વજન માત્ર 58 પાઉન્ડ એટલે કે લગભગ 26 કિલોગ્રામ છે , જેના કારણે તેને હળવી અને સરળતાથી હેન્ડલ કરી શકાય તેવી ઇલેક્ટ્રિક બાઈક તરીકે રજૂ કરવામાં આવી છે . તેમાં 8 સ્પીડ Shimano Acera ડ્રાઈવટ્રેન  આપવામાં આવી છે , જે જુદા જુદા રસ્તાની પરિસ્થિતિઓમાં સ્મૂથ ગિયર શિફ્ટિંગનો અનુભવ આપે છે . આ ઉપરાંત , વધુ સુરક્ષા માટે Tektro હાઇડ્રોલિક ડિસ્ક બ્રેક્સ આપવામાં આવ્યા છે , જે ઝડપથી અને અસરકારક રીતે બ્રેકિંગ કરવામાં મદદ કરે  છે .

પ્રીમિયમ ડિઝાઇન , શક્તિશાળી મોટર , મોટી બેટરી અને અદ્યતન સેફટી ફીચર્સને કારણે Urtopia કાર્બન એટમ ઈ - બાઈક પ્રીમિયમ ઇલેક્ટ્રિક બાઈક ખરીદવા ઇચ્છતા ગ્રાહકો માટે એક આકર્ષક વિકલ્પ બની શકે છે .