બૂસ્ટર સફળતાપૂર્વક ઉતર્યો છતાં ઉપલા તબક્કાની ખામીથી સેટેલાઇટ ભ્રમણકક્ષામાં પહોંચી ન શક્યું

ગયા અઠવાડિયાના અંતે Jeff Bezos ની અવકાશ કંપની Blue Origin માટે એક સાથે સારા અને ખરાબ સમાચાર આવ્યા . કંપનીએ પહેલી વખત તેના રોકેટ  બૂસ્ટરને સફળતાપૂર્વક ફરીથી ઉપયોગ કરીને એક મોટી સિદ્ધિ હાંસલ કરી હતી પરંતુ લોન્ચ દરમિયાન એક ખામીના કારણે આખું મિશન નિષ્ફ્ળ ગયું . રવિવારે કેપ કેનાવેરલ સ્પેસ ફોર્સ સ્ટેશનથી ન્યુ ગ્લેન રોકેટનું પ્રક્ષેપણ કરવામાં આવ્યું હતું . આનો પહેલુ પગલું બરાબર રહ્યો હતો . બૂસ્ટરે યોગ્ય રીતે કામ કર્યું અને તે  સમુદ્રમાં એક બાર્જ પર સુરક્ષિત રીતે ઉતરી ગયો , જે  કંપની માટે એક મોટી સફળતા ગણાય છે , પરંતુ મુશ્કેલી બીજા પગલાંમાં આવી .

અહેવાલ મુજબ , રોકેટના ઉપરના ભાગમાં રહેલા  એન્જિન માંથી એક પૂરતો ધક્કો આપી શક્યો નહોતું . તેના કારણે રોકેટ ધારેલી ઊંચાઈએ પહોંચી ન શક્યો  અને ઉપગ્રહને યોગ્ય ભ્રમણકક્ષામાં મૂકી શક્યો નહીં . પરિણામે આ મિશનને નિષ્ફ્ળ ગણવામાં આવ્યું .

કંપનીના CEO ડેવ લિમ્પના જણાવ્યા પ્રમાણે શરૂઆતની તપાસમાં એવું જાણવા મળ્યું છે કે એન્જિનમા ટેકનિકલ સમસ્યા હતી . આ કારણે ઉપગ્રહ પોતાનું કામ કરી શક્યો નહીં  .

આ ઉપગ્રહ AST SpaceMobile ના પ્રોજેક્ટનો ભાગ હતો , જેનો ઉદેશ્ય સીધો સેટેલાઇટથી સ્માર્ટફોન સુધી નેટવર્ક સેવા આપવાનો છે , હવે આ ઉપગ્રહ અને રોકેટનો  ઉપરનો ભાગ બંને પૃથ્વીના વાતાવરણમાં ફરી પ્રવેશી ગયા છે અને ઉપયોગમાં રહી શક્ય નથી .

આ ન્યુ ગ્લેન રોકેટની ત્રીજી ફ્લાઇટ હતી . કંપની આ રોકેટને ભવિષ્યમાં મોટા ઉપગ્રહો અને મિશન માટે ઉપયોગમાં લેવા માંગે છે . મહત્વની વાત એ છે કે NASA  પણ તેના આર્ટેમિસ મિશન માટે આ જ રોકેટનો ઉપયોગ કરવાની યોજના બનાવી રહી છે . 

આ ઘટનાના બાદ કંપનીએ હાલ માટે તેના બધા લોન્ચ અટકાવી દીધા છે અને વિગતવાર તપાસ શરૂ કરી છે . હવે તપાસ પૂર્ણ થયા પછી જ આગળના મિશન  વિશે નિર્ણય લેવામાં આવશે .

આ ઘટનાના પગલે Blue Origin હવે વધુ સાવચેત બની ગઈ અને ટીમ દ્રારા ટેકનિકલ ખામીઓ શોધવા માટે વિગતવાર તપાસ ચાલી રહી છે , જેથી આવનારા  લોન્ચમાં આવી સમસ્યા ફરી ન સર્જાય અને મિશન વધુ વિશ્વસનીય બની શકે .