OnePlus Pad 4 ફીચર્સ લીક : 32 ઇંચ 3.4 સ્ક્રીન , 13,380mAh બેટરી અને 8 સ્પીકર સેટઅપ 

OnePlus એ ગુરુવારે સત્તાવાર જાહેરાત કરી છે કે તેનું નવું OnePlus Pad 4 આ મહિનાના અંતમાં ભારતમાં લોન્ચ થવાનું છે . કંપનીએ સાથે જ ખાતરી આપી  છે કે આ ટેબ્લેટ Flipkart , Amazon અને OnePlus ના ઓફિશિયલ ઓનલાઇન સ્ટોર પર વેચાણ માટે ઉપલબ્ધ રહેશે . ટીઝર દ્રારા કંપનીએ ટેબ્લેટની ડિઝાઈન  , મુખ્ય ફીચર્સ અને કેટલીક મહત્વપૂર્ણ સ્પેસિફિકેશન્સ પહેલેથી જ જાહેર કરી દીધી છે . આ વાત નોંધવામાં આવે છે કે આ જ ડિવાઇસ પહેલા ભારતમાં OnePlus Pad 3 pro તરીકે લોન્ચ થવાની ચર્ચામાં હતું .

OnePlus Pad 4 લોન્ચ તારીખ અને કિંમત :

OnePlus ના પ્રેસ રિલીઝ મુજબ , OnePlus Pad 4 ભારતમાં 30 એપ્રિલે બપોરે 12 વાગ્યે લોન્ચ થશે . ફ્લિપકાર્ટ , એમેઝોન અને OnePlus India વેબસાઈટ પર ટેબ્લેટ માટે માઈક્રોસાઇટ પણ  લાઈવ થઈ ગઈ છે , જે તેની ઉપલબ્ધતા દર્શાવે છે .

પ્રોસેસર અને પરફોર્મન્સ :

OnePlus Pad 4 માં Qualcomm નું ફ્લેગશિપ Snapdragon 8 Elite Gen 5 ચિપસેટ આપવામાં આવશે , જે OnePlus 15 માં પણ જોવા મળે છે .  કંપનીના દાવા મુજબ , આ ટેબ્લેટ An Tu Tu બેન્ચમાર્ક પર 41,86,268 પોઈન્ટ્સ સ્કોર કર્યા છે . આ ઉપરાંત , તેમાં 20% વધારે CPU પ્રદર્શન , 35% સુધારેલ કાર્યક્ષમતા , 23 % વધારે GPU પાવર અને 20 % ઉર્જા કાર્યક્ષમતા મળશે .

આ ટેબ્લેટમાં 13.2 ઇંચ 3.4K રિઝોલ્યુશન સાથે 12 bit ટ્રુ કલર ડિસ્પ્લે મળશે , જે 144Hz રિફ્રેશ રેટ , 1000 nits બ્રાઇટનેસ અને Dolby Vision સપોર્ટ સાથે આવશે . પાછળ ગોળ આકારનું કેમેરા મોડયુલ , LED ફ્લેશ અને ત્રણ પોગો પિન પણ જોવા મળશે .

OnePlus Pad 4 માં 13,380mAh બેટરી આપવામાં આવશે . કંપની મુજબ , આ ટેબ્લેટ  એક જ ચાર્જ પર 54 દિવસ સુધી સ્ટેન્ડબાય , 20 કલાક વિડીયો પ્લેબેક  અને 7 કલાક ગેમિંગ આપી શકે છે .

તે OnePlus Stylo Pro સ્ટાઈલસને  સપોર્ટ કરશે અને તેમાં 8 સ્પીકર સેટઅપ (4 બાસ + 4 ટ્વિટર ) મળશે , જે વધુ સારો ઓડિયો અનુભવ આપે છે .