પ્રીમિયમ ફીચર્સ સાથે આયો  OnePlus Pad 4 , 144Hz સ્ક્રીન અને 13,380mAh બેટરી સાથે 

OnePlus Pad 4  ગુરુવારે ભારતમાં લોન્ચ થયો છે અને આ પ્રીમિયમ ટેબ્લેટ ખાસ કરીને પ્રોડક્ટિવિટી અને એન્ટરટેઈનમેન્ટ બંને માટે બનાવાયો છે . તેમાં  13.2 ઈંચનું મોટું 3.4K LCD ડિસ્પ્લે આપવામાં આવ્યું છે , જે 144Hz એડેપ્ટિવ રિફ્રેશ રેટ સાથે આવે છે , જેથી સ્ક્રોલિંગ , વિડીયો જોવો કે ગેમિંગ બધું જ ખુબ સ્મૂથ અને ક્લિયર  લાગે છે . આની સ્ક્રીન Dolby Vision સપોર્ટ અને વધારે બ્રાઇટનેસ સાથે આવે છે , જેથી કલર્સ વધુ સારા દેખાય છે . આ ડિવાઈસમાં શક્તિશાળી  Snapdragon 8 Elite Gen 5 પ્રોસેસર આપવામાં આવ્યું છે , જે 12GB સુધી LPDDR5X  RAM અને 512GB સુધી UFS 4.1 સ્ટોરેજ સાથે જોડાયેલ છે  એટલે કે એપ્સ અને મલ્ટીટાસ્કિંગ સરળતાથી થઈ શકે .

આ ટેબ્લેટ OxygenOS 16 પર ચાલે છે અને તેમાં PC જેવી મલ્ટીટાસ્કિંગ સુવિધાઓ આપવામાં આવી છે , જેમ કે રિસાઈઝેબલ વિન્ડોઝ , ડ્રેગ - એન્ડ - ડ્રોપ  અને સેકન્ડ સ્ક્રીન સપોર્ટ . તે અન્ય ડિવાઈસ સાથે ક્રોસ ડિવાઈસ કનેક્ટિવિટી પણ આપે છે , જેથી ફોન અને ટેબ્લેટ  બંનેથી  કામ સરળ બને છે . સાથે AI Writer  , AI Summary , AI Translate અને AI Recorder જેવા સ્માર્ટ AI ટુલ્સ આપવામાં આવ્યા છે , જે કામને વધુ ઝડપી અને સરળ બનાવે છે .

ડિઝાઈનની વાત કરીએ તો , આ ટેબ્લેટ મેટલ યુનીબોડી સાથે આવે છે , જે માત્ર 5.94mm પાતળું અને લગભગ 672 ગ્રામ વજનનું છે , એટલે હાથમાં પકડીને લાંબા સમય સુધી ઉપયોગ કરી શકાય છે . તેમાં 8 સ્પીકર સેટઅપ ( 4 વૂફર અને 4 ટવીટર ) આપવામાં આવ્યા છે , જે સ્પેશિયલ ઓડિયો સપોર્ટ સાથે શક્તિશાળી સાઉન્ડ આપે છે . કનેક્ટિવિટી માટે Wi - Fi 7 અને સ્માર્ટ એન્ટેના સિસ્ટમ આપવામાં આવી છે , જે વધુ સ્ટેબલ નેટવર્ક કનેક્શન આપે છે .

બેટરીની વાત કરીએ તો, તેમાં મોટી 13,380mAh બેટરી આપવામાં આવી છે , જે લગભગ 20 કલાક સુધી વિડીયો પ્લેબેક અને 7 કલાક સુધી ગેમિંગ સપોર્ટ કરે છે . સાથે 80W ફાસ્ટ ચાર્જિંગ સપોર્ટ છે , જેથી ટેબ્લેટ ઝડપથી ચાર્જ થઈ જાય છે . OnePlus Pad 4  સાથે OnePlus Stylo Pro સ્ટાઈલસનો સપોર્ટ પણ મળે છે , જે વધુ સ્મૂથ લખાણ માટે કે ડ્રોઈંગ માટે ઉપયોગી છે .

ભારતમાં આ ટેબ્લેટની કિંમત 8GB + 256GB વેરિઅન્ટ માટે રૂપિયા 59,999 અને 12GB + 512GB માટે રૂપિયા 64,999 રાખવામાં આવી છે . લોન્ચ ઓફર  હેઠળ રૂપિયા 5000 સુધીનું ડિસ્કાઉન્ટ પણ ઉપલબ્ધ છે , જેથી અસરકારક કિંમત ઘટી જાય છે . આ ટેબ્લેટ 5 મેથી Amazon , Flipkart તેમજ OnePlus ના ઓનલાઇન અને ઓફલાઈન સ્ટોર્સ પર ખરીદી માટે ઉપલબ્ધ રહેશે .