પોસ્ટપેઈડ યુઝર્સ માટેની Airtel નેટવર્ક સ્લાઇસિંગ સર્વિસ પર સરકારની નજર

ભારતી એરટેલ દ્રારા તાજેતરમાં શરૂ કરાયેલી નવી પ્રાયોરિટી  નેટવર્ક સેવા સરકાર અને ટેલિકોમ રેગ્યુલેટરી ઓથોરિટી ઓફ ઇન્ડિયા ( TRAI )ની તપાસ હેઠળ  આવી હોવાનું કહેવાય છે . આ સેવા ખાસ પોસ્ટપેઈડ ગ્રાહકો માટે રજૂ કરવામાં આવી છે અને તેનો મુખ્ય હેતુ 5G નેટવર્ક સ્લાઇસિંગ ટેક્નોલોજી દ્રારા ભારે ટ્રાફિક દરમિયાન પણ  વધુ ઝડપી અને સ્થિર ઇન્ટરનેટ કનેક્ટિવિટી આપવાનો છે .  જેમાં નેટ ન્યુટ્રાલિટી નિયમો અને પ્રીપેડ યુઝર્સ પર તેની અસરનું  મૂલ્યાંકન  કરવામાં આવી રહ્યું છે . એરટેલનો દાવો છે કે નવી સેવા પોસ્ટપેઈડ ગ્રાહકોને વધુ વિશ્વનીય અને સતત નેટવર્ક અનુભવ આપશે .

એક અહેવાલ મુજબ , સરકાર અને TRAI હાલમાં આ સેવાનું ટેસ્ટ કરી રહી છે કે શું તે ભારતના નેટ ન્યુટ્રાલિટી નિયમોનું પાલન કરે છે કે નહીં . સાથે જ , અધિકારીઓ એ પણ ટેસ્ટ કરી રહી છે કે પોસ્ટપેઈડ ગ્રાહકોને આપવામાં આવતી પ્રાયોરિટી  પ્રીપેડ યુઝર્સની નેટવર્ક ગુણવત્તા પર અસર તો નહીં કરે .

નવા અહેવાલો અનુસાર , અધિકારીઓએ એરટેલ પાસેથી કામ અને ટેક્નિકલ માળખા વિશે વધુ માહિતી માગી છે . નેટ ન્યુટ્રાલિટી મુજબ , ઇન્ટરનેટ સેવા આપનારાઓને  તમામ પ્રકારના ઓનલાઇન ડેટાને સમાન રીતે હેન્ડલ કરવું જરૂરી છે . કોઈપણ વેબસાઈટ , એપ કે પછી યુઝર્સને ખાસ પ્રાથમિકતા  આપવી  કે સ્પીડમાં ફેરફાર કરવો  , આ નિયમના વિરુદ્ધ માનવામાં આવે છે .

સૂત્રોના જણાવ્યા અનુસાર , સંદેશાવ્યહાર મંત્રી જ્યોતિરાદિત્ય સિંધિયા પહેલેથી જ અધિકારીઓ સાથે આ સર્વિસ માટેની ચર્ચા કરી ચુક્યા છે . હવે TRAI એ બાબતનું  ટેસ્ટ કરી શકે છે કે શું પોસ્ટપેઈડ યુઝર્સને મળતી ઝડપી લેન સેવા અન્ય ગ્રાહકોના અનુભવને અસર કરે છે .

આ સમગ્ર મામલામાં 5G નેટવર્ક સ્લાઇસિંગ પર ખાસ ધ્યાન આપવામાં આવી રહ્યું છે . આ ટેક્નોલોજી Standalone ( SA ) 5G આર્કિટેક્ચર પર આધારિત છે અને તે નેટવર્કને અલગ અલગ વિભાગોમાં વહેંચવાની મંજૂરી આપે છે . એરટેલ તેના અમલમાં મુકતા  નેટવર્કનો એક ભાગ ખાસ પોસ્ટપેઈડ ગ્રાહકો માટે મુકાયા  હોવાનું કહેવાય છે .

એરટેલનો દાવો છે કે નવી સેવા પોસ્ટપેઈડ ગ્રાહકોને વધુ વિશ્વનીય અને સતત નેટવર્ક અનુભવ આપશે . હાલમાં આ સેવા એરટેલના પોસ્ટપેઈડ ગ્રાહકો માટે ઉપલબ્ધ છે , જે કંપનીના કુલ 373 મિલિયન મોબાઈલ સબ્સ્ક્રાઇબર્સમાંથી આશરે 7.75 ટકા હિસ્સો ધરાવે છે .

ભારતમાં ગ્રાહકો માટે 5G નેટવર્ક સ્લાઇસિંગ આધારિત સેવા રજૂ કરનાર એરટેલ પહેલી ટેલિકોમ કંપની બની છે . બીજી તરફ , Reliance Jio હાલમાં આ ટેક્નોલોજીનો ઉપયોગ ફક્ત તેની Fixed Wireless Access ( FWA ) સેવાઓ માટે કરે છે .