હવે અજાણ્યા કોલ્સ ઓળખવા સરળ બનશે , BSNL લાવી રહ્યું છે નવી CNAP સેવા

Bharat Sanchar Nigam Limited (BSNL ) હવે પોતાના યુઝર્સ માટે એક મહત્વપૂર્ણ નવી સુવિધા CNAP (caller Name Presentation ) લાવવા પર કામ  કરી રહી છે . આ ફીચર દ્રારા જયારે તમને કોઈ કોલ આવશે , ત્યારે મોબાઈલ સ્ક્રીન પર સીધું કોલ કરનાર વ્યક્તિનું નામ  દેખાશે . હાલમાં ભારતમાં  ઘણી  ખાનગી ટેલિકોમ કંપનીઓ આ સુવિધા આપી રહી છે , અને હવે BSNL પણ ટૂંક સમયમાં દેશભરમાં તેને લોન્ચ કરવાની તૈયારીમાં છે . આ સેવા TRAI  ની પહેલ છે અને તે માટે કોઈ વધારાની ફી અથવા એપ્લિકેશનની જરૂર નહીં પડે .

આ સુવિધા Telecom Regulatory Authority ઓફ India (TRAI ) દ્રારા શરૂ કરવામાં આવેલી એક પહેલ છે , જેનો મુખ્ય હેતુ યુઝર્સને વધુ સુરક્ષા અને પારદર્શિતા  આપવાનો છે . આ ફીચરથી યુઝર્સ કોલ ઉઠાવતાં પહેલાં જાણી શકે છે કે કોલ કોણ કરી રહ્યું છે , જેથી તેઓ યોગ્ય નિર્ણય લઈ શકે .

રિપોર્ટ મુજબ BSNL હાલ CNAP સેવા માટે અન્ય બીજા ટેલિકોમ ઓપરેટરો સાથે ટેસ્ટિંગ કરી રહી છે . પહેલેથી જ Reliance Jio , Bharti Airtel અને Vodafon Idea (Vi ) પોતાના ગ્રાહકો માટે આ સુવિધા અમલમાં મૂકી ચુક્યા છે . BSNL હવે આ સુવિધાને ઝોન પ્રમાણે લાગુ કરી રહી છે , એટલે કે અલગ અલગ  વિસ્તારોમાં ધીમે ધીમે લોન્ચ કરવામાં આવશે .

માહિતી મુજબ , ટેસ્ટિંગ અને ભેગા કરવાની પ્રક્રિયા પૂર્ણ થયા પછી BSNL આવતા 3 થી 4 મહિનામાં CNAP સેવા દેશભરમાં શરૂ કરી શકે છે . આ ટેક્નોલોજી  Centre for  Development of Telematics (C -DoT ) દ્રારા વિકસાવવામાં આવી છે અને જયારે ક્ષેત્ર માટે ખાસ તૈયાર કરવામાં આવી છે .

ખાસ વાત એ છે કે આ સેવા માટે યુઝર્સને કોઈ વધારાનો ચાર્જ ચૂકવવો નહીં પડે . સાથે જ આ ફિચરનો ઉપયોગ કરવા માટે ઈન્ટરનેટ કનેક્શન કે Truecaller  જેવી એપ્લિકેશનની જરૂર  પણ નહીં પડે . CNAP KYC વેરિફાઈડ માહિતીના આધારે કોલરનું નામ બતાવે છે , એટલે માહિતી વધુ વિશ્વસનીય રહે છે  .

હાલમાં આ સેવા ત્યારે સારી રીતે કામ કરે છે જયારે કોલ કરનાર અને રિસીવ કરનાર એક જ નેટવર્ક પર હોય . જોકે અલગ અલગ નેટવર્ક વચ્ચે પણ સુવિધા યોગ્ય  રીતે કામ કરે તે માટે હજી સુધારા અને ટેસ્ટિંગ ચાલી રહ્યા છે .

સરળ ભાષામાં કહીએ તો , CNAP ફીચરથી હવે અજાણ્યા કોલ્સ ઓળખવા સરળ બનશે અને સ્પામ કોલ્સથી બચવામાં પણ મોટી મદદ મળશે .