માત્ર રૂપિયા 1849 થી શરૂ થાય છે Vi ના એક વર્ષના પ્લાન , વારંવાર રિચાર્જની ઝંઝટથી મળશે રાહત

ટેલિકોમ કંપનીઓ દ્રારા સતત વધતા રિચાર્જ દરોને કારણે ઘણા ગ્રાહકો હવે લાંબી વેલિડિટી ધરાવતા અને કિફાયતી પ્લાનની શોધ કરે છે . છેલ્લા કેટલાક મહિનાઓમાં  Jio અને Airtel સહિતની મોટી ટેલિકોમ કંપનીએ તેમના ઘણા પ્રીપેડ પ્લાનની કિંમતોમાં વધારો કર્યો છે . આવી સ્થિતિમાં Vodafon Idea ( Vi ) પોતાના ગ્રાહકો માટે કેટલાક એવા વાર્ષિક પ્લાન ઓફર કરે છે , જે ઓછા ખર્ચે લાંબા સમય સુધી સેવા ચાલુ રાખવાની સુવિધા આપે છે .  લાંબા ગાળાની વેલિડિટી અને ઓછા ખર્ચને કારણે આ પ્લાન વારંવાર રિચાર્જથી બચવા ઇચ્છતા યુઝર્સ માટે સારો વિકલ્પ બની શકે છે .
 .

Vi નો રૂપિયા 2249 વાર્ષિક પ્લાન :

Vodafon Idea નો રૂપિયા 2249 નો પ્રીપેડ પ્લાન 365 દિવસની વેલિડિટી સાથે આવે છે . આ પ્લાનમાં આખા  વર્ષ માટે અનલિમિટેડ વોઇસ કોલિંગની સુવિધા આપવામાં આવે છે , જેથી યુઝર્સને લોકલ અને STD કોલ માટે અલગથી ચિંતા કરવાની જરૂર રહેતી નથી . આ ઉપરાંત , પ્લાનમાં 3600 SMS નો લાભ પણ આપવામાં  આવે છે .

ડેટાની વાત કરીએ તો , આ પ્લાનમાં પૂરી વેલિડિટી દરમિયાન કુલ 30GB ડેટા આપવામાં આવે છે . જે ગ્રાહકો મુખ્યત્વે કોલિંગ માટે મોબાઈલનો ઉપયોગ કરે છે અને મર્યાદિત ડેટાની  જરૂરિયાત ધરાવે છે , તેમના માટે આ પ્લાન સારો વિકલ્પ બની શકે છે . ડેટા ક્વોટા સમાપ્ત થયા બાદ વધારાના ઉપયોગ માટે નિયમિત દર મુજબ ચાર્જ લાગુ પડે છે .

Vi નો રૂપિયા 1849 વાર્ષિક પ્લાન :

કંપનીનો રૂપિયા 1849 નો પ્લાન પણ 365 દિવસની વેલિડિટી સાથે ઉપલબ્ધ છે .આ પ્લાન ખાસ કરીને એવા ગ્રાહકો માટે તૈયાર કરવામાં આવ્યો છે , જેમને  માત્ર કોલિંગની જરૂર હોય છે . તેમાં આખા વર્ષ માટે અનલિમિટેડ વોઇસ કોલિંગનો લાભ મળે છે .

જો કે , આ પ્લાનમાં કોઈ ડેટા અથવા SMS લાભ આપવામાં આવતા નથી .  તેમ છતાં , ઓછા ખર્ચે એક વર્ષની વેલિડિટી અને અનલિમિટેડ કોલિંગ મેળવવા માંગતા યુઝર્સ માટે આ એક કિફાયતી વિકલ્પ બની શકે છે . જે લોકો પોતાના નંબરને સક્રિય રાખવા માંગે છે અને વારંવાર રિચાર્જ કરવાનું  ટાળવા ઈચ્છે છે , તેમના માટે Vi ના આ બંને ઉપયોગી સાબિત થઈ શકે છે .