ChatGPT બનશે પર્સનલ ફાઇનાન્સ સહાયક , બચત અને બિલ મેનેજમેન્ટમાં કરશે મદદ

OpenAI એ તેના પ્રીમિયમ AI પ્લેટફોર્મ ChatGPT Pro માં નવી નાણાકીય સુવિધાઓ ઉમેરવાની જાહેરાત કરી છે . આ નવી સુવિધાઓની મદદથી યુઝર્સ  તેમના ખર્ચ , બચત , બિલ અને સબ્સ્ક્રિપ્શનનું વધુ સરળતાથી સંચાલન કરી શકશે . કંપનીના જણાવ્યા અનુસાર , આ સિસ્ટમનો  મુખ્ય ઉદ્દેશ્ય યુઝર્સને તેમની  નાણાકીય સ્થિતિ  સમજવામાં મદદ કરવાનો છે , જયારે સુરક્ષાને પણ પ્રાયોરિટી આપવામાં આવી છે .  Plaid સાથેની ભાગીદારી દ્રારા બેંક ખાતાની માહિતી સુરક્ષિત રીતે કનેક્ટ કરી શકાશે . હાલમાં આ સેવા અમેરિકા ChatGPT Pro યુઝર્સ માટે  પ્રિવ્યુ  રૂપે  ઉપલબ્ધ છે .

તાજેતરના અહેવાલો અનુસાર , ChatGPT pro માં કેટલાક એવા ટૂલ્સ એડ કરવામાં આવ્યા છે જે યુઝર્સને તેમના બેંક ખાતા , ક્રેડિટ કાર્ડ અને અન્ય નાણાકીય ખાતાઓની  માહિતીનું વિશ્લેષણ કરવાની સુવિધા આપે છે . આ ટૂલ્સ યુઝર્સની આવક , ખર્ચ , માસિક બિલ , સબ્સ્ક્રિપ્શન અને બચત સંબંધિત માહિતીનું મૂલ્યાંકન  કરીને ઉપયોગી સૂચનો  આપી શકે છે . તેના કારણે લોકોને  તેમના નાણાકીય વ્યવહારો અને ખર્ચની આદતોને વધુ સારી રીતે સમજવામાં મદદ મળશે .

આ સુવિધાને કાર્યરત બનાવવા માટે OpenAI એ નાણાકીય ડેટા નેટવર્ક Plaid સાથે ભાગીદારી કરી છે . Plaid દ્રારા યુઝર્સને તેમના બેંક ખાતાઓને સુરક્ષિત  રીતે ChatGPT સાથે કનેક્ટ થયા પછી , AI ખર્ચ , રોકડ અને બચતની સ્થિતિનું વિશ્લેષણ કરીને નાણાકીય આયોજનમાં મદદ કરે છે 

કંપનીએ સ્પષ્ટ કર્યું છે કે ChatGPT ને યુઝર્સના બેંક ખાતા પર માત્ર ' રીડ - ઓનલી  ' ઍક્સેસ મળે છે . તેનો મતલબ એ છે કે AI કોઈ ટ્રાન્ઝેક્શન કરી શકતું નથી , બિલ ચૂકવી શકતું નથી અથવા યુઝર્સની મંજૂરી વિના કોઈ નાણાકીય કાર્યવાહી કરી શકતું નથી . તે માત્ર ઉપલબ્ધ માહિતીનું વિશ્લેષણ કરીને માર્ગદર્શન  આપે છે . OpenAI મુજબ , ChatGPT ફક્ત યુઝર્સને તેમના બેંક ખાતાને વાંચવાની મંજૂરી આપે છે , પણ વ્યવહારો અને ચુકવણી કરી શકતું નથી . 

OpenAI ના જણાવ્યા અનુસાર , આ સુવિધા હાલમાં પ્રિવ્યુ પગલામાં છે અને ફક્ત અમેરિકામાં ChatGPT Pro સબ્સક્રાઇબર્સ માટે ઉપલબ્ધ કરવામાં આવી છે . ભવિષ્યમાં તેને વધુ દેશોમાં વિસ્તૃત કરવામાં આવે તેવી શક્યતા છે .