એન્થ્રોપિક ' ક્લાઉડ માયથોસ ' AI મોડેલ : સાયબર સુરક્ષામાં ક્રાંતિ કે નવો ખતરો ?

માત્ર 48 કલાકની અંદર , સાન ફ્રાન્સિસ્કો સ્થિત AI કંપની એન્થ્રોપિકે તેના નવા સાયબર સુરક્ષા કેન્દ્રિત AI મોડેલ " ક્લાઉડ માયથોસ પ્રિવ્યુ " ની જાહેરાત કરી  અને વૈશ્વિક ટેક વર્લ્ડમાં ચર્ચા જગાવી દીધી . કંપનીએ આ મોડેલને કોડબેઝમાં નબળાઈઓ શોધવા માટે અત્યાર સુધીનો સૌથી શક્તિશાળી ટૂલ ગણાવ્યું છે . એન્થ્રોપિક મુજબ , આ મોડેલ વિવિધ ઓપરેટિંગ સિસ્ટમ્સ અને વેબ બ્રાઉઝર્સમાં હજારો હાઈ - સીવરિટી  સુરક્ષા ખામીઓ શોધી કાઢે છે , જે ગંભીર ચિંતાનો વિષય બની શકે છે . આ કારણોસર , કંપનીએ તેના ઉપયોગ પર મર્યાદા પણ મૂકી છે .

ક્લાઉડ માયથોસ શું છે ?
એન્થ્રોપિકના જણાવ્યા અનુસાર , ક્લાઉડ માયથોસ પ્રિવ્યું એક એડવાન્સ જનરલ પરપઝ AI મોડેલ છે , જે ખાસ કરીને કોડિંગ અને લોજિકમાં ખુબ જ સક્ષમ છે  . તે મોટા કોડબેઝનું વિશ્લેષણ કરીને એવી સુરક્ષા ખામીઓ શોધી શકે છે , જે અનુભવી નિષ્ણાંતોથી પણ ચુકી જાય .  કંપનીએ દાવો કર્યો છે કે આ મોડેલે કેટલીક એવી ખામીઓ શોધી છે , જે વર્ષોથી અજાણી રહી હતી .

હાલમાં , આ મોડેલ માત્ર " પોજેક્ટ ગ્લાસવિંગ " હેઠળ પસંદગીના ભાગીદારો માટે ઉપલબ્ધ છે . તેમાં AWS, Apple , Cisco, Google , Microsoft અને Nvidia જેવી મોટી ટેક કંપનીઓનો સમાવેશ થાય છે . આ ઍક્સેસ માત્ર સાયબર સુરક્ષા મજબૂત બનાવવા માટે મર્યાદિત છે , જેથી તેનો દુરુપયોગ અટકાવી શકાય છે  .

ક્લાઉડ માયથોસ પ્રોસેસર 
એન્થ્રોપિકે શેર કરેલા સિસ્ટમ કાર્ડ મુજબ , ક્લાઉડ માયથોસ તેના પહેલાના મોડેલ્સ કરતા વધુ શક્તિશાળી છે . તે SWE-bench , BrowseComp અને USA Math Olympiad જેવા બેન્ચમાર્કમાં ટોચ પર છે . ખાસ કરીને , સાયબેન્ચમા 100 ટકા સ્કોર હાંસલ કરીને આ મોડેલે સાયબર સુરક્ષા ક્ષેત્રમાં તેની ક્ષમતા સાબિત કરી છે  .

વધુમાં આ મોડેલે Firefox બ્રાઉઝરમાં પણ અગાઉ અજાણી કહાનીઓ શોધી કાઢી હતી , જે પછી જવાબદારીપૂર્વક જાહેર કરવામાં આવી . આ દર્શાવે છે કે મોડેલ વાસ્તવિક દુનિયામાં પણ અસરકારક રીતે કામ કરે છે  .

ક્લાઉડ માયથોસ જાહેર જનતા માટે નથી 

એન્થ્રોપિકના નિષ્ણાંતો અનુસાર , આ મોડેલ એટલો અદ્યતન છે કે તે માત્ર ખામીઓ શોધી શકે છે એટલું જ નહીં , પરંતુ તેને એકસ્પ્લોઇટ કરવાની ક્ષમતા પણ ધરાવે છે . આથી , ખોટા હાથોમાં તે ગંભીર નુકસાન પહોંચાડી શકે છે .

આ જોખમોને ધ્યાનમાં રાખીને , કંપનીએ આ મોડેલને જાહેર જનતા માટે રિલીઝ ન કરવાનો નિર્ણય લીધો છે . જોકે , આ નિર્ણય નવી ચર્ચા પણ ઊભી કરી છે કે  આવા શક્તિશાળી AI મોડેલનું અસ્તિત્વ જ ભવિષ્યમાં સાયબર સુરક્ષા માટે પડકાર બની શકે છે . આગળ જતા , એન્થ્રોપિક પર પારદર્શકતા જાળવવાનો  દબાણ વધવાની સંભાવના  છે .