GST નોંધણી રદ કરવાની સરળ રીત : ક્યારે અને કેવી રીતે અરજી કરવી

ભારતમાં Goods and Services Tax (GST ) 2017માં અમલમાં આવ્યો હતો . આ નવી કર પ્રણાલીએ રાજ્ય અને કેન્દ્ર સરકારો દ્રારા લાગુ થતા VAT , ઓકટ્રોય ડયુટી , સર્વિસ ટેક્સ , સેન્ટ્રલ એક્સાઇઝ ડયુટી અને મનોરંજન કરને બદલી નાખ્યા છે . GST લાગુ થયા પછી એક જ ઉત્પાદન પર અનેક વખત કર ચુકવવાની જરૂરિયાત દૂર  થઈ છે , જેના કારણે દેશનું કર માળખું વધુ સરળ બન્યું છે . GST રિટર્ન ફાઈલ કરવા માટે કોઈ પણ વ્યક્તિ કે સંસ્થા માટે GST પોર્ટલ પર નોંધણી કરાવવી જરૂરી છે પરંતુ જો તમારો વ્યવસાય બંધ થઈ જાય કે અન્ય કારણોસર  તમે GST હેઠળ ન આવતા રહો , તો તમે તમારી GST નોંધણી  ઓનલાઇન રદ પણ કરી શકો છો .

GST નોંધણી  ક્યારે રદ કરવી જોઈએ 
કેટલાક પરિસ્થિતિઓમાં GST નોંધણી  રદ કરવાની જરૂર પડે છે , ઉદાહરણ તરીકે , જો વ્યવસાયમાં ફેરફાર થવાથી PAN માં બદલાવ આવે તો નોંધણી રદ કરી શકાય  છે . આના સિવાય , જો 

•         તમે કર ચૂકવવા માટે જવાબદાર ન હોવ 
•         વ્યવસાય સંપૂર્ણપણે બંધ થઈ ગયો હોય 
•         વ્યવસાયિક પ્રવૃત્તિઓ બંધ થઈ ગઈ હોય 

તો પણ તમે નોંધણી રદ કરી શકો છો , આ ઉપરાંત બીજા સંજોગોમાં પણ રદ કરવાની પ્રક્રિયા લાગુ પડે છે ,
એકમાત્ર માલિકનું અવસાન , વ્યવસાયનું મર્જર , ડિમર્જર અથવા ટ્રાન્સફર વ્યવસાય વેચાણ અથવા લીઝ પર આપવો .

GST પોર્ટલ દ્રારા ઓનલાઇન નોંધણી રદ કરવાની પ્રક્રિયા 

1. સૌપ્રથમ GST પોર્ટલ પર જાઓ .

2. તમારો યુઝર આઈડી અને પાસવર્ડ નાખીને લોગ ઈન કરો 

3. Services >Registration > Application for Cancellation of Registration વિકલ્પ પસંદ કરો .

4. ફોર્મમાં "Basic Details " ટેબમાં જઈને ભવિષ્ય માટેનું સરનામું દાખલ કરો .

5. "Save & Continue " પર ક્લિક કરો .

6. GST રદ કરવાનો યોગ્ય કારણ પસંદ કરો .

7. જો આપેલ વિકલ્પોમાં કારણ ન હોય તો "Others " પસંદ કરીને તમારું કારણ લખો .

8. સ્ક્રીન પર દર્શાવેલી સૂચનાઓ અનુસરો .

9. ફરી "Save & Continue " પર ક્લિક કરો .

10. ચકાસણી માટે ડિક્લેરેશન બોક્સ પર ટિક કરો .

11. અધિકૃત સહીકર્તાનું નામ પસંદ કરો અને સ્થળની માહિતી દાખલ કરો .

12. DSC અથવા EVC દ્રારા ફોર્મ સબમિટ કરો .

13. તમારા રજિસ્ટર્ડ મોબાઈલ નંબર પર આવેલ OTP દાખલ કરો .

અરજી સબમિટ કર્યા પછી , તમે તેની સ્થિતિ તપાસવા માટે :
Services> Registration> Track Application Status  વિકલ્પનો ઉપયોગ કરી શકો છો .