ChatGPT ટિપ્સ : ચેટ હિસ્ટ્રી મેનેજ કરવા Delete અને Archive કરવાની સરળ રીત

ChatGPT માં ચેટ હિસ્ટ્રી  એટલે સાઈડબારમાં દેખાતી તમારી અગાઉની વાતચીતની  સૂચિ . જયારે તમે ChatGPT સાથે નવી વાતચીત શરૂ કરો છો , ત્યારે તે એક નવું સત્ર બનાવે છે  અને તે ચેટ હિસ્ટ્રીમાં  સેવ થઇ જાય છે . OpenAI  મુજબ , આ ચેટ્સને જાળવવામાં આવે છે . જેથી વપરાશકર્તાઓ કોઈપણ સમયે જૂની ચેટ ખોલીને ફરીથી વાતચીત ચાલુ રાખી શકે છે . તેમ છતાં જો તમે ઇરછો તો તમે ચેટ્સને કાયમ માટે ડિલીટ , આર્કાઇવ અથવા ચેટ હિસ્ટ્રીમાં દેખાવા ન દેવા વિકલ્પોનો ઉપયોગ  કરી શકો છો . આ વિકલ્પો ગોપનીયતા જાળવવા માટે ખૂબ ઉપયોગી છે .

ChatGPTમાં ચેટ્સ કેવી રીતે Delete કરવી :
ચેટને ડિલીટ કરવાથી તે ચેટ હિસ્ટ્રીમાંથી કાયમ માટે દૂર થઇ જાય છે .એકવાર ડિલીટ કર્યા પછી તેને પુનઃ પ્રાપ્ત કરી શકાતી નથી .

વેબસાઈટ પર ચેટ Delete કરવાની રીત :

• ChatGPT ખોલો અને તમારા એકાઉન્ટમાં સાઈન ઈન કરો .
• સાઈડબારમાં તમે જે ચેટ કાઢી નાખવા માંગો છો તે શોધો .
• ચેટના શીર્ષક પર માઉસને રાખો .
• ત્રણ ડોટ (...) મેનૂ પર ક્લિક કરો .
• Delete પસંદ કરો .
• પુષ્ટિ માટે ફરીથી Delete પર ક્લિક કરો .
• આ ચેટ તરત જ તમારી સુચિમાંથી Delete થઇ જશે .

મોબાઈલ એપમાં ચેટ Delete કરવાની રીત :

• તમારા ફોનમાં ChatGPT એપ ખોલો .
• તમારી ચેટને 
•  લિસ્ટમાં  શોધો 
•  ચેટ પર વિકલ્પ મેનૂ ખોલો .
• Delete પસંદ કરો .
• હવે પુષ્ટિ કરો .

ChatGPT માં ચેટ્સ કેવી રીતે Archive કરવી :
ચેટ્સને Archive કરવાથી તે પૂરી રીતે ડિલીટ થતી નથી પરંતુ તે લિસ્ટમાંથી છુપાઈ જાય છે . આ  આર્કાઇવ થયેલી ચેટ્સ તમારા એકાઉન્ટમાં સેવ રહે છે જેને તમે ફરીથી જોઈ શકો છો . આ સુવિધા ખાસ કરીને એવા વપરાશકર્તાઓ માટે ઉપયોગી છે જે ચેટ્સ સાચવી રાખવા માંગે છે .

વેબસાઈટ પર ચેટ Archive કરવાની રીત :

• ChatGPT ખોલો અને સાઈડબારમાં ચેટ શોધો . 
• ચેટના શીર્ષક પર ક્લિક કરો 
• ત્રણ (...) મેનૂ પર ક્લિક કરો .
• Archive પસંદ કરો .
•   હવે આ ચેટ સુચિમાંથી દૂર થઇ જશે અને Archiveમાં ઉપલબ્ધ રહેશે .

મોબાઈલ એપમાં ચેટ Archive કરવાની રીત :

• ChatGPT મોબાઈલ  એપ ખોલો . 
• જે ચેટ Archive કરવી છે તે શોધો .
• ચેટ માટે વિકલ્પ મેનૂ ખોલો .
• Archive પસંદ કરો .

જરૂર પડે ત્યારે Archive થયેલી ચેટ્સને ફરીથી મુખ્ય સૂચીમાં પાછી લાવી શકાય છે .

Temporary Chat નો વિકલ્પ :
ChatGPT માં  એક બીજો વિકલ્પ પણ છે જે Temporary Chat તરીકે ઓળખાય છે . આ મોડ ચાલુ કર્યા પછી કરેલી વાતચીત ચેટ હિસ્ટ્રીમાં સેવ થતી નથી . નવી ચેટ શરૂ કર્યા પછી  અથવા નવી ચેટ ખોલ્યા પછી આ વાતચીત આપમેળે કાઢી નાખવામાં આવે છે , જેથી તમારી ગોપનીયતા સુરક્ષિત રહે છે .