સ્માર્ટ છત્રીથી AI પાળતુ સુધી : Razer અને અન્ય બ્રાન્ડ્સની ક્રિએટિવ પ્રેન્કસ વાયરલ

1 એપ્રિલ એટલે કે એપ્રિલ ફૂલ્સ ડે પર ટેક દુનિયામાં મસ્તી અને ક્રિએટિવિટીનો મજેદાર મ્રિશ્રણ જોવા મળ્યો છે . વિવિધ ટેક કંપનીઓએ અનોખી અને મજાકીય  પ્રોડક્ટ્સની જાહેરાત કરીને યુઝર્સને ચકિત કર્યા . કેટલીક જાહેરાતો એટલી સાચી લાગી કે એક પળ માટે તો એમના ઉપર વિશ્વાસ થઈ જાય  પણ અંતે  સમજાયું કે આ બધું માત્ર મજા માટે જ હતું . એપ્રિલ ફૂલ્સ ડે 2026 પર Oppo , Razer , Atomberg અને Honor જેવી કંપનીઓએ સ્માર્ટ છત્રી , AI પાળતું અને મલ્ટિફોલ્ડ ફોન જેવી મજેદાર અને કલ્પિત પ્રોડક્ટ્સ રજૂ કરીને યુઝર્સને  મનોરંજન આપ્યું .

OPPO

ઓપ્પોએ "Find U " નામની સ્માર્ટ છત્રી રજૂ કરી , જે લવચીક 4K OLED ડિસ્પ્લે સાથે આવતી હોવાનું બતાવવામાં આવ્યું . કંપનીએ દાવો કર્યો કે તેમાં કેમેરા , ફિંગરપ્રિન્ટ સ્કેનર , સોલાર મોડ અને ખાસ અલ્ટ્રા ડ્રાય ટેક્નોલોજી છે , જે પાણીના ટીપાંને તરત જ દૂર કરી શકે છે . આ બધું સાંભળવામાં આકર્ષક લાગે છે  , પરંતુ  આ ફક્ત એક એપ્રિલ ફૂલ્સ મજાક જ હતી . ખાસ વાત એ કે કંપનીએ તેની લોન્ચ તારીખ 31 એપ્રિલ બતાવી , જે પોતે જ એક સંકેત હતો કે આ માત્ર  એક પ્રેન્ક  છે .

Razer

બીજી તરફ , Razer એ તેના AI આધારિત પ્રોજેક્ટ Ava પછી "Ava Mini " નામનું એક ઈમેજીનરી AI Pat  રજૂ કર્યું . આ અનોખા વિચાર મુજબ , AI સાથીને પણ એક  સાથીની જરૂર પડે , એટલે તેના માટે AI પેટ બનાવવામાં આવ્યું છે . કંપનીએ મજાકમાં કહ્યું કે તેને પણ ખવડાવવું , ધ્યાન રાખવું અને સાફ કરવું પડશે  એ પણ બિલકુલ સાચા પાળતુ જેવી જવાબદારીઓ સાથે .

Atomberg

ભારતની કંપનીએ પણ આ ટ્રેન્ડમાં ભાગ લીધો હતો . જે Atomberg છે અને તેમને "ઓટોમટકા " નામની મજેદાર પ્રોડક્ટ રજૂ કરી હતી . આ ઓટોમેટિક માટીનો  વાસણ પાણીનું TDS લેવલ એડજસ્ટ કરી શકે છે અને તમે કોઈપણ સ્થળનું પાણી " રીક્રિએટ " કરી શકો છો , જેમ કે હિમાલયનું પાણી .  આ વાતની કલ્પના જેટલી અજીબ છે એટલી જ  મજેદાર પણ છે .

Honor

અને અંતમાં Honor એ તેની "Magic VVVVVV " ડિવાઇસ  સાથે તો મજાકની હદ વટાવી દીધી . આ મલ્ટિફોલ્ડ સ્માર્ટફોનને unfold કરતાં સ્માર્ટ ટીવીમાં ફેરવી  શકાય છે અને તેમાં 16K ડિસ્પ્લે હોવાનું બતાવવામાં આવ્યું . અહીં પણ લોન્ચ તારીખ 31 એપ્રિલ દર્શાવીને સ્પષ્ટ સંકેત આપવામાં આવ્યો કે આ માત્ર એક  પ્રેન્ક છે .

આ રીતે , એપ્રિલ ફૂલ્સ ડે 2026 પર ટેક કંપનીઓએ પોતાના ફેન્સને હસાવ્યા અને સાથે સાથે ક્રિએટિવિટી પણ બતાવી .