Snapdragon 8 Elite Gen 5 અને 165Hz ડિસ્પ્લે સાથે OnePlus 15T ટૂંક સમયમાં એન્ટ્રી કરશે

OnePlus એ બુધવારે તેના નવા અને પાવરફુલ સ્માર્ટફોનની લોન્ચ તારીખ જાહેર કરી છે . આવતા અઠવાડિયે ચીનમાં OnePlus 15T ફોન લોન્ચ થશે , જેથી છેલ્લા કેટલાક  સમયથી ચાલતી લીક્સ અને અફવાઓનો અંત થશે . આ સ્માર્ટફોન માટે પ્રી-ઓર્ડર પહેલાથી જ શરૂ થઇ ગઈ છે . આનાથી આપણને આ વાતની જાણ થાય છે કે કંપની તેને પાંચ અલગ અલગ RAM અને સ્ટોરેજ વિકલ્પોમાં રજૂ કરશે . OnePlus 15T ત્રણ કલર વિકલ્પોમાં આવશે , જેમાં કાળો અને સફેદ  રંગનો સમાવેશ થાય છે .

OnePlus 15T લોન્ચ:

OnePlus 15T ને ચીનમાં 24 માર્ચે સાંજે 7 વાગ્યે (ભારતમાં 4:30 વાગ્યે IST ) લોન્ચ કરવામાં આવશે  આ વાતની પુષ્ટિ કંપનીએ તેની વેબસાઈટ પર કરી છે . ગ્રાહકો Oppo Shop  વેબસાઈટ દ્રારા પ્રી બુકિંગ કરાવી શકે છે અને તેના માટે તેમને CNY 299 (લગભગ રૂપિયા 4,000)ના વાયરલેસ હેડફોન મફત મળશે .

આ ફોન પાંચ વિકલ્પોમાં ઉપલબ્ધ રહેશે જેમ કે 12GB+256GB, 12GB+512GB, 16GB+256GB, 16GB+512GB અને   16GB+1TB . ફોનના કલર વિકલ્પમાં  પ્યોર  કોકો  , રિલેક્સિંગ મેચા અને હીલિંગ વ્હાઇટ ચોકલેટ સામેલ છે .

કંપનીએ હાલમાં કોઈ સ્પેસિફિકેશન બહાર પડ્યા નથી પરંતુ લીક્સ પ્રમાણે પ્યોર  કોકો અને રિલેક્સિંગ મેચા કલરમાં AG ફ્રોસ્ટેડ ગ્લાસ બેક પણ આપવામાં આવ્યો છે .જયારે હીલિંગ વ્હાઇટ ચોકલેટ કલરમાં નવી માઈક્રો ટેક્નોલોજીથી મેટલ ફ્રેમ અને ગ્લાસ બેક બંને પર એકસરખો વ્હાઇટ ફિનિશ આપે છે .

આ ફોનમાં Snapdragon 8 Elite Gen 5 પ્રોસેસર પર ચાલશે , જે OnePlus 15માં પણ મળે છે . આ ફોનમાં જનરેશન ગેમિંગ એન્જીન હશે અને 165fps સુધી  સપોર્ટ કરે છે . આના સાથે જ ટ્રાઈ -ચિપ સિસ્ટમ પણ મળે છે .

OnePlus 15T માં 6.32 ઈંચનું 165Hz ડિસ્પ્લે મળશે . તેમાં 3.5x ઓપ્ટિકલ ઝૂમ સાથે LUMO કેમેરા સિસ્ટમ આપવામાં આવ્યું છે .ફોનમાં IP66, IP68, IP69 અને IP69K રેટિંગ સાથે આવે છે . આની બેટરી 7,500mAh ની હશે , જેમાં 100W વાયર્ડ અને 50W વાયરલેસ ફાસ્ટ ચાર્જિંગને સપોર્ટ કરશે .