Xiaomi 17T Geekbench પર જોવા મળ્યો , Dimensity 8500 ચિપ અને 12GB RAMની સંભાવના

આ વર્ષની શરૂઆતમાં Xiaomi એ તેની ફ્લેગશિપ Xiaomi 17 સિરીઝ લોન્ચ કરી હતી . હવે કંપની પોતાના સ્માર્ટફોન લાઇનઅપને વધુ મજબૂત બનાવવા  માટે  નવા ફ્લેગશિપ મોડલ્સ લાવવાની તૈયારીમાં છે . આ નવી સિરીઝમાં Xiaomi 17T અને Xiaomi 17T pro સામેલ હોવાની શક્યતા છે . હજી સુધી કંપનીએ કોઈ પણ રીતે સત્તાવાર  જાહેરાત કરી નથી , પરંતુ લીક્સ અને રિપોર્ટ્સ દ્રારા કેટલીક મહત્વપૂર્ણ માહિતી સામે આવી છે . Xiaomi 17T  Android 16 પર ચાલશે અને તેમાં Xiaomi નું HyperOS 3 મળશે . Xiaomi 17T  સિરીઝ ટૂંક સમયમાં ભારતમાં લોન્ચ થઈ શકે છે .
 

હાલમાં જ Xiaomi 17T Geekbench પર જોવા મળ્યો છે , જેના કારણે તેના પરફોર્મન્સ અને આંતરિક સ્પેસિફિકેશન્સ વિશે જાણકારી મળી છે . આ સ્માર્ટફોનમાં Media Tek નો શક્તિશાળી પ્રોસેસર હોઈ શકે છે , જેને Media Tek Dimensity 8500 તરીકે ઓળખવામાં આવે છે .

આ ચિપસેટ 3.40GHz  સુધીની હાઈ સ્પીડ આપે છે અને  પરફોર્મન્સ તેમજ મલ્ટીતસ્કિંગ માટે સારો માનવામાં આવે છે . આ જ ચિપસેટ Oppo K15 Pro , iQOO Z11 5G અને Motorolo  Edge 70 Pro જેવા ફોનમાં પણ જોવા મળે છે .

નવા લીક્સ મુજબ , Xiaomi 17T માં લગભગ 12GB RAM મળી શકે છે , જે સ્મૂથ યુઝર એક્સપિરિયન્સ માટે મદદરૂપ બનશે . સાથે જ આ ફોન Android 16 પર આધારિત હશે અને તેના પર Xiaomi નું HyperOS ચાલશે , જે નવા ફીચર્સ અને સુધારેલા ઇન્ટરફેસ સાથે આવશે .

Geekbench AI ટેસ્ટમાં પણ આ ફોન સારો પરફોર્મન્સ આપે છે . સિંગલ અને મલ્ટી ટાસ્ક બંનેમાં તેને સારા સ્કોર્સ મળ્યા છે , જે બતાવે છે કે ફોન AI આધારિત  કામ સરળતાથી સંભાળી શકે છે .

Xiaomi 17T  સિરીઝ પહેલાથી જ IMDA અને NBTC જેવી સર્ટિફિકેશન સાઈટ્સ પર જોવા મળી છે , એટલે તેનો લોન્ચ નજીક હોઈ શકે છે . અહેવાલ મુજબ ,  આ સિરીઝ ભારતમાં એપ્રિલના અંતમાં અથવા મેની શરૂઆતમાં લોન્ચ થઈ શકે છે , જયારે Pro વર્ઝનમાં વધુ પ્રીમિયમ ફીચર્સ મળશે .