Realme 16T 5G ખરીદવાની સારી તક , 8,000mAh બેટરીવાળો ફોન હવે સસ્તો

જો તમે લાંબી બેટરી લાઈફ અને સારા ફીચર્સવાળો નવો સ્માર્ટફોન ખરીદવાનું વિચારી રહ્યા છો , તો Realme 16T 5G તમારા માટે સારો વિકલ્પ બની શકે છે . કંપનીએ આ ફોન મે મહિનામાં લોન્ચ કર્યો હતો અને હવે ફ્લિપકાર્ટ પર ડિસ્કાઉન્ટ સાથે ઉપલબ્ધ છે . બેંક ઓફરનો લાભ લો તો આ ફોનની કિંમત વધુ ઓછી થઈ જાય છે . સાથે જ 8,000mAh મોટી બેટરી , 144Hz ડિસ્પ્લે અને 50MP કેમેરા જેવા ફીચર્સ તેને આકર્ષક બનાવે છે .

Realme 16T 5G કિંમત અને ઓફર્સ :

Realme 16T 5Gના 6GB RAM + 128GB સ્ટોરેજ વેરિઅન્ટની લોન્ચ કિંમત રૂપિયા 29,999 હતી . હાલમાં ફ્લિપકાર્ટ પર આ સ્માર્ટફોન રૂપિયા 27,999માં વેચાઈ રહ્યો છે , એટલે કે સીધો રૂપિયા 2,000નો ડિસ્કાઉન્ટ મળી રહ્યો છે . જો ગ્રાહકો Flipkart Axis Bank અથવા Flipkart SBI Bank કાર્ડથી ચુકવણી કરે, તો રૂપિયા 1,500 સુધીનું વધારાનું ડિસ્કાઉન્ટ પણ મેળવી શકે છે . આ રીતે કુલ રૂપિયા 3,500 સુધીની બચત થાય છે અને ફોનની અસરકારક કિંમત રૂપિયા 26,599 થઈ જાય છે . વધારાની ઓફર વિશે વધુ માહિતી ફ્લિપકાર્ટના ઓફર પેજ પર જોઈ શકાય છે .

Realme 16T 5Gના  ફીચર્સ :

Realme 16T 5Gમાં 6.8 ઇંચની LCD ડિસ્પ્લે આપવામાં આવી છે , જે 144Hz રિફ્રેશ રેટ અને 1,200 nits સુધીની પીક બ્રાઇટનેસ સાથે આવે છે . આ સ્માર્ટફોનમાં MediaTek Dimensity 6300 પ્રોસેસર આપવામાં આવ્યું છે . તે Android 16 આધારિત Realme UI 7 પર ચાલે છે . તેમાં સ્પ્લિટ સ્ક્રીન , ફ્લોટિંગ વિન્ડો , સ્ક્રીન રેકોર્ડિંગ , OPPO Share અને iPhone સાથે ફાઈલ શેરિંગ જેવી સુવિધાઓ પણ આપવામાં આવી છે .

આ ફોનને IP69 રેટિંગ અને મિલિટરી - ગ્રેડ શોક રેઝિસ્ટન્સ સર્ટિફિકેશન મળ્યું છે . આ ઉપરાંત સારી કુલિંગ માટે તેમાં વેપર ચેમ્બર અને ગ્રેફાઇટ કુલિંગ સિસ્ટમ આપવામાં આવી છે . સુરક્ષા માટે સાઈડ - માઉન્ટેડ ફિંગરપ્રિન્ટ સેન્સર પણ ઉપલબ્ધ છે .

Realme 16T 5G કેમેરા અને બેટરી :

Realme 16T 5Gમાં ફોટોગ્રાફી માટે 50MPનો મુખ્ય કેમેરા અને 2MPનો મેનોક્રોમ કેમેરા આપવામાં આવ્યો છે . જયારે સેલ્ફી અને વિડીયો કોલિંગ માટે 16MPનો ફ્રન્ટ કેમેરા મળે છે .

ફોનમાં 8,000mAhની મોટી બેટરી આપવામાં આવી છે , જે 45W SuperVOOC ફાસ્ટ ચાર્જિંગને સપોર્ટ કરે છે . કનેક્ટિવિટી માટે તેમાં 5G, VoWiFi, Bluetooth 5.3, NFC, GPS અને USB Type-C જેવા ફીચર્સ આપવામાં આવ્યા છે .