સૌરમંડળની બહાર 45 વસવાટયોગ્ય ગ્રહોની શોધ , વૈજ્ઞાનિકોને જીવનની નવી આશા

વૈજ્ઞાનિકો લાંબા સમયથી જાણે છે કે આપણા સૌરમંડળની બહાર હજારો ગ્રહો અસ્તિત્વ ધરાવે છે . પરંતુ માત્ર ગ્રહો હોવાની જાણકારી પૂરતી નથી . આમા મહત્વનું એ છે કે શું તે ગ્રહો જીવનને સમર્થન આપી શકે કે નહિ . હવે Cornell University ના Carl Sagan Institute સાથે જોડાયેલા પ્રોફેસર Lisa Kaltenegger ના નેતૃત્વ હેઠળના સંશોધનથી આ દિશામાં મહત્વપૂર્ણ પ્રગતિ થઈ છે . સંશોધકોએ 6,000થી વધુ એક્સોપ્લેનેટ્સના ડેટાનો અભ્યાસ કરીને 45 એવા ગ્રહોની ઓળખ   કરી  છે , અને જે તેમના તારાના રહેવાયોગ્ય ક્ષેત્રમાં  છે .

વૈજ્ઞાનિકોએ કેવી રીતે શોધ કરી 
અભ્યાસ દરમિયાન ટીમે European Space Agency ના ગૈયા મિશન અને NASA ના એઝોપ્લેનેટ આર્કાઇવમાંથી માહિતી મેળવી . આ માહિતી આધારે તેમણે ગણતરી કરી કે દરેક ગ્રહ તેના તારાથી કેટલી ઉર્જા મેળવે છે , જે તેની સપાટી પર પ્રવાહી પાણીની સંભાવનાને અસર કરે છે .

જેમ પૃથ્વી રહેવાયોગ્ય ક્ષેત્રમાં આવે છે , તેમ શુક્ર અને મંગળ તેની સીમાઓ પર આવેલા છે . આ માપદંડો બીજા તારામંડળોમાં લાગુ કરતા , સંશોધકોને 45   સંભવિત ગ્રહો મળ્યા , જેમાંથી 24 વધુ ચોક્કસ અને અનુકૂળ ઝોનમાં આવે છે .

આગળનું શું લક્ષ્ય છે 
આ શોધમાં ખાસ ધ્યાન ખેંચનારા ગ્રહોમાં TRAPPIST -1 સિસ્ટમના ગ્રહોનો સમાવેશ થાય છે . જે પૃથ્વીથી આશરે 40 પ્રકાશ વર્ષ દૂર છે . આના સહ લેખક Gillis Lorie એ ખાસ કરીને TRAPPIST -1 e  અને TOI-715 પર ધ્યાન કેન્દ્રિત કર્યું છે , જે પૃથ્વી જેવા જ લક્ષણો ધરાવે છે .

તે ઉપરાંત Proxima Centauri b અને LHS 1140 b પણ મહત્વપૂર્ણ તરીકે સામે આવે છે .આવનારા સમયમાં James Webb Spaces Telescope , Extremely Large Telescope અને Habitable Worlds Observatory જેવી આધુનિક નિરીક્ષણ કેન્દ્રો દ્રારા આ ગ્રહોની વધુ તપાસ કરવામાં આવશે .

જોકે રહેવાયોગ્ય ઝોનમાં હોવું જીવન હોવાનો પુરાવો નથી , તે જીવન શોધવાની શરૂઆત માટેનો સૌથી અગત્યનો પગથિયું છે .