કેલિફોર્નિયાના રેસ્ટોરન્ટમાં રોબોટનો હંગામો , સ્ટાફે કાબુમાં લીધો

રોબોટ્સનો ઉપયોગ ઝડપથી વધી રહ્યો છે . ઘરના ઉપયોગ માટે હોય કે ફેક્ટરીના કામ માટે , નાની -મોટી કંપનીઓ તેમને ઝડપથી અપનાવી રહી છે . આજકાલ , માણસોને બદલવા માટે અને પોતાના કામ સરળ બનાવવા માટે રોબોટ્સનો ઉપયોગ કરવામાં આવી રહ્યો છે , પરંતુ તે  સરળ નથી , કારણકે રોબોટ્સ  ક્યારેક સમસ્યાઓ પણ ઊભી કરી શકે છે .તાજેતરમાં એક એવી જ ઘટના સામે આવી છે , જેમાં એક  હ્યુમનોઇડ રોબોટ રેસ્ટોરન્ટમાં અચાનક બેકાબુ થઇ ગયું હતું . San Jose નજીક આવેલા Haildilao  Hot Pot  રેસ્ટોરન્ટમાં આ ઘટના બની હતી .

રોબોટ રેસ્ટોરન્ટની અંદર વાસણો અને પ્લેટો પણ  તોડતો :

વાયરલ થયેલા વીડિયોમાં રોબોટ રેસ્ટોરન્ટની અંદર આમતેમ રીતે દોડતો જોવા મળે છે . તે  પ્લેટો તોડે છે , વાસણોને ફેંકે છે અને હવામાં ચોપસ્ટિક ઉછાળે છે . આ સમયે રોબોટે નારંગી કલરનું એપ્રોન પહેરેલું હતું , જેમાં "I  am good " લખેલું હતું , અને તેના ચહેરા પર LED છે જેમાં તે હસતું દેખાય છે .  શરૂઆતમાં આ દ્રશ્ય  મજેદાર લાગતું હતું પરંતુ થોડા સમયમાં રોબોટ વધુ ઉગ્ર બની ગયો અને એક ટેબલને પણ નુકસાન પહોંચાડયુ .

આ ઘટના રેસ્ટોરેન્ટમાં ચાલી રહેલા એક પ્રોમોશનલ ડાન્સ દરમિયાન બની હતી . અચાનક રોબોટ કંટ્રોલ બહાર ગયો , જેને કારણે સ્ટાફ તરત જ સાવચેત થયા અને આ ઘટનામાં કોઈને ઇજા પહોંચી ન હતી .

રોબોટ રેસ્ટોરન્ટની અંદર બેકાબુ :

રેસ્ટોરેન્ટના સ્ટાફે મળીને રોબોટને કાબુમાં લેવાનો પ્રયાસ કર્યો . એક કર્મચારી મોબાઈલ દ્રારા રોબોટને કંટ્રોલ કરવાની કોશિશ કરતી જોવા મળી હતી , રોબોટના  હાથ ઝડપથી હલાવતો હતો જેથી તેને રોકવામાં મુશ્કેલ થઇ હતી . આખરે ત્રણ કર્મચારીઓની મદદથી રોબોટને કાબુમાં લેવામાં આવ્યો અને તેને સુરક્ષિત રીતે બીજી જગ્યાએ  ખસેડાયો .

આ ઘટના બતાવે છે કે રોબોટ્સ ભલે આપણું કામ સરળ બનાવે છે , પરંતુ ટેક્નોલોજી પર સંપૂર્ણ નિર્ભરતા રાખવી એ જોખમી બને છે .