મોટી બેટરી અને મજબૂત ડિઝાઈન સાથે Oppo F33 Pro 5G આવવાની તૈયારીમાં

Oppo 15 એપ્રિલે ભારતમાં તેની નવી F33 સિરીઝ લોન્ચ કરવા તૈયાર છે . આ લાઇનઅપમાં Oppo F33 5G  અને Oppo F33  Pro 5G  જેવા બે સ્માર્ટફોન શામેલ રહેશે . કંપનીએ સત્તાવાર રીતે લોન્ચ તારીખની પુષ્ટિ કરી છે અને ટીઝર દ્રારા કેટલીક મુખ્ય વિશેષતાઓની માહિતી પણ આપી છે .આ  ફોનની મજબૂત ડિઝાઈન  , IP69K રેટિંગ , 50MP કેમેરા અને 7,000mAh બેટરી સાથે 80W ફાસ્ટ ચાર્જિંગ જેવી સુવિધાઓ મળવાની અપેક્ષા છે . Oppo F33 5G  અને Oppo F33 Pro  5G  ની કિંમત   રૂપિયા  25,000 થી રૂપિયા 35,000 વચ્ચે હોઈ શકે છે

 Oppo F33 5G  સિરીઝની કિંમત ભારતમાં 
આ સિરીઝની કિંમત ભારતના મિડ રેન્જ સેગમેન્ટમાં રાખવામાં આવશે . અહેવાલો મુજબ , Oppo F33 5G  અને Oppo F33 Pro  5G  ની કિંમત   રૂપિયા  25,000 થી રૂપિયા 35,000 વચ્ચે હોઈ શકે છે . આ બંને ફોન્સની ચોક્કસ કિંમત લોન્ચ ઇવેન્ટ દરમિયાન જાહેર કરવામાં આવશે .

Oppo F33 5G  સિરીઝ સ્પેસિફિકેશન્સ 
ડિઝાઈન 
Oppo F33 સિરીઝને લાંબા સમય સુધી ટકી રહે તેવું ડિઝાઈન કરવામાં આવ્યું છે . આ સ્માર્ટફોન IP69K રેટિંગ સાથે આવશે , જે તેને ધૂળ અને પાણી સામે  વધુ  સુરક્ષિત બનાવે છે . તે વધારે તાપમાન , પાણીના છાંટા કે કાટ જેવા પરિસ્થિતિઓનો સામનો કરી શકશે . 

આ ફોનમાં એરોસ્પેસ - ગ્રેડ એલ્યુમિનિયમ ફ્રેમ અને જાડું પ્રોટેક્ટિવ ગ્લાસ આપવામાં આવશે . 360 ડિગ્રી આર્મર બોડી તેને વધુ મજબૂત બનાવશે .   Oppo F33 Pro  5G માં ફ્લેટ ડિઝાઈન , રિંગ LED ફ્લેશ અને લંબચોરસ કેમેરા મોડયુલ જોવા મળશે . તે મિસ્ટી ફોરેસ્ટ , સ્ટેરી બ્લુ અને પેશન રેડ કલરમાં ઉપલબ્ધ થશે  .

ડિસ્પ્લે 
 Oppo F33 Pro  5G માં 6.57 ઈંચનું ફ્લેટ AMOLED ડિસ્પ્લે મળવાની શક્યતા છે . આ ડિસ્પ્લે વધુ સ્પષ્ટ અને કલરફુલ વિઝ્યુઅલ્સ આપશે , જોકે અન્ય સ્પેસિફિકેશન્સ  હજુ સીધી જાહેર કરવામાં આવ્યા નથી .

પરફોર્મન્સ 
આ સ્માર્ટફોન Media Tek  6360 મેક્સ પ્રોસેસર પર ચાલશે તેવી અપેક્ષા છે . સાથે જ તેમાં ColorOS 16 યુઝર ઇન્ટરફેસ મળશે , જે Android 16 પર આધારિત  હશે . આ કોમ્બિનેશન ઝડપી અને સ્મૂથ પરફોર્મન્સ આપવાની ખાતરી આપે છે .

કેમેરા 
 Oppo F33 Pro  5G માં ડયુઅલ રિયર કેમેરા સેટઅપ હશે , જેમાં 50MP મુખ્ય કેમેરા અને 2MP ડેપ્થ સેન્સર શામેલ હશે , સેલ્ફી માટે 50MP અલ્ટ્રા વાઈડ  ફ્રન્ટ કેમેરા  આપવામાં આવશે  , જેમાં ઓટોફોક્સ અને 100 ડિગ્રી ફીલ્ડ વ્યુ મળશે . 

ફોટોગ્રાફી માટે તેમાં ડયુઅલ વ્યુ વિડીયો , AI પોટ્રેટ  ગ્લો , સ્ટુડિયો લાઈટ અને અન્ય એડવાન્સ ફીચર્સ પણ આપવામાં આવશે .

બેટરી અને ચાર્જિંગ 
Oppo F33 સિરીઝમાં 7,000mAh ની મોટી બેટરી મળશે , જે લાંબા સમય સુધી ઉપયોગ માટે યોગ્ય છે કંપનીનો દાવો છે કે બેટરી 1,830 ચાર્જ  ચક્ર પછી  પણ 80% ક્ષમતા જાળવી શકે છે .

આ ફોનમાં 80W SuperVOOC ફાસ્ટ ચાર્જિંગ , રિવર્સ ચાર્જિંગ અને બાયપાસ ચાર્જિંગ જેવી સુવિધાઓ મળશે . સાથે જ નવી ઓટો રિપેરિંગ ઇલેક્ટ્રોલાઇટ  ટેક્નોલોજી બેટરીની લાઈફને લાંબા સમય સુધી જાળવવામાં મદદ  કરશે .