Samsung Galaxy ફોનની કિંમતોમાં વધારો

અહેવાલો મુજબ ભારતમાં Samsung ના કેટલાક Galaxy સ્માર્ટફોનના ભાવમાં વધારો થયો છે .આ વધારો મુખ્યત્વે  Galaxy M , F અને A સિરીઝના સ્માર્ટફોન પર લાગુ પડશે .લીક થયેલી માહિતી મુજબ મોડેલ અને સ્ટોરેજ આધારે કિંમતોમાં 500 થી લઈને 3000 સુધીનો વધારો કરવામાં આવ્યો છે . આ અપડેટ કરેલી કિંમતો 5 માર્ચથી અમલમાં આવી હોવાનું જણાવાય છે અને હાલમાં સેમસંગની સત્તાવાર વેબસાઈટ પર પણ નવી કિંમતો દર્શાવામાં આવી રહી છે . આ માહિતી સૌથી પહેલા સોશિયલ મીડિયા પ્લેટફોર્મ X pr ટિપસ્ટર અભિષેક યાદવ દ્રારા શેર કરવામાં આવી હતી . તેમને જણાવ્યું હતું કે ડીલરો માટેનો એક પરિપત્ર લીક થયો છે  . જેમાં પસંદગીના Galaxy સ્માર્ટફોન માટે સુધરેલી કિંમતોની વિગતો આપવામાં આવી છે .

એક અહેવાલ મુજબ Samsung Galaxy M36 અને  Galaxy F36ના કેટલાક વેરિઅંટની કિંમતોમાં લગભગ રૂપિયા 1,500 સુધી વધારો થયો છે .  Galaxy M36ના 8GB +128GB મોડેલની કિંમત હવે રૂપિયા 21,999 થઈ ગઈ છે જયારે  8GB +256GB વેરિઅંટ હવે રૂપિયા 25,999 માં મળી રહેશે . તેવી જ રીતે Samsung Galaxy F36ના 8GB +128GB મોડેલની કિંમત હવે રૂપિયા 21,999 થઇ છે અને  8GB +256GB વેરિઅંટ હવે રૂપિયા 25,999 માં મળી રહેશે.

અન્ય મોડેલમાં Galaxy M17 5G અને  GalaxyF17 5G ની કિંમતોમાં પણ વધારો નોંધાયો છે . Galaxy M17 5Gના 6GB +128GB મોડેલની કિંમત હવે રૂપિયા 16,499 થઇ ગઈ છે , જયારે  8GB +128GB મોડેલની કિંમત હવે રૂપિયા18,499 સુધી પહુંચી ગઈ છે . બીજી તરફ GalaxyF17 5Gના વિવિધ વેરિએન્ટમાં  રૂપિયા 1000 સુધીનો વધારો જોવા મળ્યો છે .

આ ઉપરાંત Galaxy A17 5G માં સૌથી મોટો વધારો નોંધાયો હોવાનું કહેવાય છે . જ્યાં કેટલાક વેરિઅન્ટમાં રૂપિયા 3000 સુધીનો ભાવ વધારો થયો છે . Galaxy A06 5G ના કેટલાક મોડેલોની કિંમતોમાં પણ ફેરફાર કરવામાં આવ્યો છે .

ગેજેટ્સ 360એ આ મુદ્દે સેમસંગનો પ્રતિભાવ મેળવવા માટે કંપનીનો સંપર્ક કર્યો છે . જોકે હજુ સુધી કંપની તરફથી કોઈ પણ પ્રકારનો જવાબ મળ્યો નથી અહેવાલોમાં એ  પણ કહેવાય કે વધતા કોમ્પોનેન્ટ ખર્ચ અને સપ્લાય ચેઇન દબાણને કારણે સ્માર્ટફોન બજારમાં આવા ભાવ વધારો સામાન્ય રીતે જોવા મળે  છે .