Aadhaar સેન્ટર જવાની જરૂર નહીં App થી મફતમાં ઈમેઈલ ID લિંક કરવાની સુવિધા શરૂ

જો તમારા આધાર કાર્ડ સાથે હજુ સુધી ઈમેઈલ ID જોડાયેલી નથી અથવા જૂની ઈમેઈલ ID બદલવાની જરૂર છે , તો હવે તેના માટે આધાર સેવા કેન્દ્ર સુધી જવાની જરૂર નહીં પડે . UIDAI એ Aadhaar App માં નવી સુવિધા ઉમેરતા હવે યુઝર્સને ઘરે બેઠાં જ ઇમેઇલ ID લિંક અથવા અપડેટ કરવાની સગવળ આપી છે . કેન્દ્ર સરકારના ઇલેક્ટ્રોનિક્સ અને માહિતી પ્રૌધોગિકી મંત્રાલયના જણાવ્યા મુજબ , આ સેવા 1 જુલાઈ 2026 થી શરૂ થઈ છે અને શરૂઆતના છ મહિના સુધી તેનો લાભ કોઈપણ ફી ચૂકવ્યા વિના લઈ શકાશે .

સરકારે સ્પષ્ટ કર્યું છે કે આ સુવિધા માત્ર Aadhaar App મારફતે જ ઉપલબ્ધ રહેશે . એટલે કે હવે ઇમેઇલ ID અપડેટ કરવા માટે આધાર સેવા કેન્દ્રની મુલાકાત લેવાની જરૂર રહેશે નહીં . મંત્રાલયના જણાવ્યા અનુસાર સેવા શરૂ થયાના માત્ર બે દિવસમાં જ 2.5 લાખથી વધુ લોકોએ એપનો ઉપયોગ કરીને પોતાની ઇમેઇલ ID સફળતાપૂર્વક અપડેટ કરી છે . આ એપ Android તેમજ iPhone બંને પ્લેટફોર્મ પર ઉપલબ્ધ છે .

આધાર સાથે ઇમેઇલ ID જોડવાથી સુરક્ષાના પગલે પણ મહત્વનો લાભ મળશે . જયારે પણ આધાર ઓથેન્ટિકેશન થશે ત્યારે યુઝર્સને તરત જ ઇમેઇલ દ્રારા સૂચના મળશે . આથી આધારનો ક્યાં અને ક્યારે ઉપયોગ થયો તેની માહિતી સરળતાથી મળી રહેશે અને કોઈ અનધિકૃત ઉપયોગ થાય તો સમયસર જાણ શકશે .

Aadhaar App માત્ર ઇમેઇલ ID અપડેટ કરવા પૂરતી મર્યાદિત નથી . એપ દ્રારા મોબાઈલ નંબર અપડેટ કરવો , સરનામામાં ફેરફારો કરવો સહિતની અન્ય ઘણી સેવાઓ પણ ઉપલબ્ધ છે . સરકારના આંકડા મુજબ અત્યાર સુધી 4 કરોડથી વધુ લોકોએ એપ દ્રારા પોતાનો મોબાઈલ નંબર અપડેટ કર્યો છે , જયારે લગભગ 10 લાભ યુઝર્સને પોતાનું સરનામું પણ આ જ પ્લેટફોર્મ મારફતે બદલ્યું છે .

UIDAI એ તમામ આધાર ધારકોને અપીલ કરી છે કે જો તેમની આધાર પ્રોફાઈલમાં ઈમેલ ID જોડાયેલી ન હોય અથવા તેને અપડેટ કરવાની જરૂર હોય તો Aadhaar App ડાઉનલોડ અથવા અપડેટ કરીને આ નવી સુવિધાનો લાભ લેવો જોઈએ . સરકારનું માનવું છે કે આ પહેલ આધાર સંબંધિત સેવાઓને વધુ સરળ , સુરક્ષિત અને સંપૂર્ણપણે ડિજિટલ બનાવવાની દિશામાં મહત્વપૂર્ણ પગલું સાબિત થશે .