WhatsAppની નવી સુવિધા : હવે મેસેજ સુધારવા માટે નહીં જવું પડે ત્રણ ડોટ મેનુમાં

WhatsApp પોતાના યુઝર્સ માટે વારંવાર નવી સુવિધાઓ લાવતું રહે છે , જેથી ચેટિંગનો અનુભવ વધુ સરળ અને સારો બને . હવે કંપનીએ મેસેજ એડિટ કરવાની પ્રક્રિયામાં એક નાનો પરંતુ ઉપયોગી ફેરફાર કર્યો છે . આ નવી અપડેટ પછી WhatsApp પર મેસેજ સુધારવો પહેલાં કરતાં વધુ સરળ બની જશે .

હાલમાં WhatsApp એ Android beta વર્ઝન v2.26.25.3 રજૂ કર્યું છે . આ અપડેટમાં મેસેજ એડિટ કરવા માટેની પ્રક્રિયા સરળ બનાવવામાં આવી છે . જો તમે કોઈ મેસેજ મોકલ્યા પછી તેમાં ભૂલ શોધો છો , તો હવે તેને સુધારવું વધુ ઝડપી બની જશે. WhatsApp પહેલેથી જ યુઝર્સને મોકલેલા મેસેજને 15 મિનિટની અંદર એડિટ કરવાની સુવિધા આપે છે . એટલે કે , જો ટાઈપિંગમાં ભૂલ થઈ ગઈ હોય અથવા કંઈક બદલવું હોય , તો મેસેજ  ડિલીટ કરીને ફરી લખવાની જરૂર નથી પડતી .

આ નવી અપડેટ પહેલા , મેસેજ એડિટ કરવા માટે થોડા વધારાના સ્ટેપ્સ લેવા પડતા હતા . પહેલા મેસેજને ટેપ કરીને પકડી રાખવો પડતો અને ત્યાંથી Edit વિકલ્પ પસંદ કરવો પડતો . આ પ્રક્રિયા થોડું લાંબી લગતી હતી .

પરંતુ હવે WhatsApp એ આ કામ વધુ સરળ બનાવી દીધું છે . નવી સિસ્ટમ મુજબ , તમારે ફક્ત જે મેસેજમાં ફેરફાર કરવો હોય તેને ટેપ કરીને પકડી રાખવો પડશે . ત્યારબાદ  સ્ક્રીન પર દેખાતા પોપ - અપ મેનૂમાં સીધો Edit વિકલ્પ જોવા મળશે . એટલે હવે ત્રણ ડોટ મેનૂમાં જવાની જરૂર નહીં પડે . આથી મેસેજમાં ફેરફાર કરવો વધુ ઝડપી અને સરળ બની જશે .

WhatsApp પર મેસેજ કેવી રીતે એડિટ કરશો ?

• સૌથી પહેલા તે મેસેજ પસંદ કરો જેને તમે એડિટ કરવા માંગો છો .
• હવે મેસેજ પર લાબું દબાવો .
• સ્ક્રીન પર દેખાતા પોપ - અપ મેનૂમાં Edit વિકલ્પ પસંદ કરો .
• ત્યારબાદ નીચે એડિટ બાર ખુલશે , જ્યાં તમે મેસેજમાં જરૂરી ફેરફાર કરી શકશો .

કુલ મળીને , WhatsAppનું આ નવું અપડેટ મેસેજ એડિટિંગને વધુ સરળ , ઝડપી અને યુઝર- ફ્રેન્ડલી બનાવે છે .