એક જ રિચાર્જમાં આખું વર્ષ ! Jio ના રૂપિયા 3,599 અને રૂપિયા 3,999 પ્લાનમાં મળે છે અનેક લાભો

ટેલિકોમ કંપનીઓ દ્રારા છેલ્લા કેટલાક મહિનાઓમાં પ્રીપેડ અને પોસ્ટપેઈડ પ્લાનના ભાવમાં વધારો કરવામાં આવ્યો છે . આવી સ્થિતિમાં લાંબી વેલિડિટી ધરાવતા પ્લાન ગ્રાહકો માટે વધુ ફાયદાકારક બની રહ્યા છે . ખાસ કરીને 365 દિવસની વેલિડિટી ધરાવતા પ્લાનમાં વારંવાર રિચાર્જ કરવાની જરૂર રહેતી નથી અને સાથે ડેટા , કોલિંગ તથા મનોરંજનના લાભો પણ મળે છે . રિલાયન્સ જિયો હાલમાં તેના ગ્રાહકો માટે બે ખાસ વાર્ષિક પ્રીપેડ પ્લાન ઓફર કરે છે .

Jio નો 3,599 નો વાર્ષિક પ્લાન :

જિયો ના રૂપિયા 3,599 ના પ્લાનમાં 365 દિવસની વેલિડિટી મળે છે . આ પ્લાન દરરોજ 2.5GB ડેટા આપે છે , એટલે કે આખા વર્ષ દરમિયાન કુલ 912.5GB ડેટાનો લાભ મળે છે . સાથે અનલિમિટેડ વોઈસ કોલિંગ અને દરરોજ 100 SMS પણ આપવામાં આવે છે . જો દૈનિક ડેટા મર્યાદા પૂરી થઈ જાય તો ઈન્ટરનેટ ચાલુ રહે છે , પરંતુ તેની સ્પીડ 64 Kbps થઈ જાય છે .

આ પ્લાનમાં 3 મહિનાનું JioHotstar મોબાઈલ /ટીવી સબ્સ્ક્રિપ્શન પણ સામેલ છે . આ ઉપરાંત , Google Gemini AI Pro નો લાભ પણ મફતમાં મળે છે . ગાહકો JioTV અને JioCloud જેવી સેવાઓનો પણ ઉપયોગ કરી શકે છે .

Jio નો રૂપિયા 3,999 નો વાર્ષિક પ્લાન :

બીજી તરફ , જિયોનો રૂપિયા 3,999 નો વાર્ષિક પ્લાન પણ 365 દિવસની વેલિડિટી સાથે આવે છે . તેમાં પણ દરરોજ 2.5GB ડેટા , અનલિમિટેડ કોલિંગ અને 100 SMS નો લાભ મળે છે . JioHotstar , Google Gemini AI Pro, JioTV અને JioCloud જેવી સેવાઓ પણ આ પ્લાનમાં ઉપલબ્ધ છે .

શું તફાવત ?

આ બંને પ્લાનમાં વચ્ચેનો મુખ્ય તફાવત Fancode સબ્સ્ક્રિપ્શનનો છે . રૂપિયા 3,999 ના પ્લાન સાથે Fancodeની ઍક્સેસ મળે છે , જેના દ્રારા ગ્રાહકો ફોર્મ્યુલા 1 જેવી લાઈવ સ્પોર્ટ્સ ઈવેન્ટ્સનો આનંદ માણી શકે છે . જયારે રૂપિયા 3,599ના પ્લાનમાં આ વધારાની સુવિધા ઉપલબ્ધ નથી .

જો તમે વારંવાર રિચાર્જ કરવાની ઝંઝટથી બચવા માંગતા હો અને આખા વર્ષ માટે ડેટા , અનલિમિટેડ કોલિંગ તેમજ મનોરંજનની સુવિધાઓ એકસાથે મેળવવા માંગતા હો , તો જિયોના આ બંને વાર્ષિક પ્લાન તમારા માટે સારો વિકલ્પ બની શકે છે .